PETROPAVL. 19 mamyr. Soltústik Qazaqstan oblysynyń Aqjar aýdanynda memlekettik shekara beketiniń ashylý rásimi ótip, oǵan aımaq basshysy Erik Sultanov, QR UQK Shekara qyzmeti dırektorynyń orynbasary, polkovnık Muhtar Sábıdoldanov qatysty. Bul týraly oblys ákiminiń baspasóz qyzmeti habarlady.
Buǵan deıin shekara aýmaǵynda turatyn turǵyndar eki el arasyna qatynaý úshin shalǵaıdaǵy halyqaralyq beketke baryp, áýre-sarsańǵa túsip júrse, endi ýaqyt jaǵynan kóp utatyn boldy. Eń bastysy, týǵan-týystaryna barý ońaılatylǵan tártippen júzege asyrylady. Bul týraly Erik Sultanov óz sózinde atap kórsetip, Qazaqstan men Reseı arasyndaǵy dostyq qarym-qatynastyń odan ári bekı túsýine, ekonomıkalyq-saýda-sattyq baılanystardyń turlaýly damýyna ıgi yqpalyn tıgizetinin jetkizdi.
«Kishkenekól» shekara komendatýrasynyń komendanty Maksım Makarenkonyń aıtýynsha, kúnine shekaradan 60 adamǵa deıin ótý múmkindigi qamtamasyz etilgen.
QR Memlekettik shekarasynyń nyǵaıýyna belsendi kómek kórsetkeni úshin oblys ákimi Erik Sultanovqa «Shekarany úzdik kúzetkeni úshin» medali tapsyryldy.
Búginde óńirde 27 shekara beketi jeńildetilgen tártippen jumys isteıdi.
О́mir Esqalı.
Derek, sýret: Soltústik Qazaqstan oblysy ákimdiginiń baspasóz qyzmeti.
