ALMATY. 19 mamyr. Asa tanymal amerıkalyq beısdjamper ári shyńǵa órmelep shyǵýshy Dın Potter men onyń áriptesi Grem Hant AQSh-tyń Iosmıt ulttyq saıabaǵynda shyńnan sekirý kezinde mert boldy. Bul týraly Bı-bı-sı habarlady.
Potter (43) men Hant (29) saıabaq aýmaǵyna jaılasqan Taft Poınt múıisindegi bıiktigi 2286 metr shyńnan vıngsıýtpen (qanatty kıim úlgisi) tómen quldılaǵan. Qutqarýshylar eki sportshynyń máıitine qatysty «parashıýt ashylmaǵan» degen boljam jasady.
Keıbir aqparat quraldarynyń málimetine súıensek, qanat baılaǵan eki sportshy bıik quzdyń arasynan ushyp ótpek bolǵan kezde apatqa ushyraǵan.
New York Times basylymyna 2008 jyly bergen suhbatynda Dın Potter: «Kópshilik meni adam da ushady ma eken dep jazǵyrady. Qol jetpeske umtylý men úshin qyzyq» degen edi.
Shyńǵa órmeleýde aldyna jan salmaıtyn áıgili sportshy Dag Robınson Bı-bı-sı agenttigine bergen suhbatynda áriptesi týraly: «Potter bul sporttyń shekteýli shekarasyn buzýǵa talpyndy. Biz onyń ólimine qaıǵyramyz. Biraq, eshqandaı da tańdanyp otyrǵanmyz joq» dedi.
Talǵat Súıinbaı.
Derek, sýret: Bı-bı-sı.
