Atyraýlyqtar 2 aıda 148,6 mln. dollar satyp aldy

ATYRAÝ. 1 sáýir. Atyraý oblysynyń turǵyndaryna aqsha aıyrbastaý beketteri arqyly eki aıda 148,6 mln. AQSh dollary satylǵan. Ulttyq banktiń Atyraý oblystyq bólimshesiniń dırektory Qozybaq Qulbaraqov osylaı dep málimdedi. Bul týraly egemen.kz tilshisi habarlady. «О́tken jyldyń qańtar-aqpan aılaryndaǵy kórsetkishke qaraǵanda bıylǵy eki aıda halyqtyń sheteldik valıýtalardy satyp alýǵa yqylasy arta tústi. Máselen, qańtar-aqpan aılarynda Atyraýdaǵy aıyrbastaý beketteri arqyly halyqqa 148,6 mln AQSh dollary satyldy. Bul kórsetkish byltyrǵydan 31,5 paıyzǵa ósti», – deıdi Qozybaq Qulbaraqov. Sonymen qatar, halyq tarapynan eýro men reseı rýblin satyp alýǵa da qyzyǵýshylyq artyp otyr. Qańtar-aqpan aılarynda atyraýlyqtarǵa 3,2 mln. eýro men 1 893,5 mln. Reseı rýbli satylypty. Shetel valıýtalarynyń bul túrlerin satyp alý tıisinshe 3,2% ósipti. Taǵy bir aıta keter jaıt, atyraýlyqtardyń osy ýaqyt ishinde qolyndaǵy shetel valıýtalaryn teńgege aıyrbastaýda da belsendiligi baıqalypty. Máselen, halyqtan 25,6 mln. AQSh dollary, 1,1 mln. eýro jáne 371,1 mln. Reseı rýbli satyp alynypty. Sondaı-aq, ulttyq valıýtany tutyný kórsetkishteri de ótken jylǵydan áldeqaıda artqan. Joldasbek Shópeǵul. Derek: egemen.kz. Sýret: sharij.net.