Atyraý turǵyny jalǵan tonalý týraly shaǵym túsirdi

ATYRAÝ. 1 sáýir. Atyraý turǵyny polısııaǵa kóshede tonalǵany jóninde jalǵan shaǵym túsirgenin moıyndady. Bul týraly oblystyq ishki ister departamentiniń baspasóz qyzmeti habarlady. Qalanyń Prıvokzalnyı-5 shaǵyn aýdanynda turatyn 35 jastaǵy turǵynnyń tonalǵany týraly shaǵymy rastalmady. Atyraý oblystyq ishki ister departamentiniń baspasóz hatshysy Gúlnazıra Muhtarovanyń málimetinshe, shaǵymdanýshyǵa tún qarańǵylyǵynda belgisiz úsheý shabýyl jasap, 150 myń teńgesin tartyp alǵan. Sol sátte «jábirlenýshi» kafeden shyqqan eken. Polısııa jedel izdestirý sharalaryna kirisken kezde aryzdanýshy bastapqy aıtqanynan aınyp, shyndyqtyń betin ashty. Shyndyǵynda, ol aqshasyn araq ishýge jumsap, otbasylyq kıkiljińniń aldyn alý úshin osyndaı qadamǵa barǵan Tipti sol úshin óziniń betin jaraqattaǵanyn da moıyndap otyr. Endi oǵan Qylmystyq Kodekstiń 419-babynyń 2-tarmaǵy boıynsha (qylmys jasalǵany týraly kórineý jalǵan sóz jetkizý) qylmystyq is qozǵaldy. Joldasbek Shópeǵul. Derek: Atyraý oblystyq ishki ister departamentiniń baspasóz qyzmeti. Sýret: mhealth.ru.