«Barys» kelesi maýsymda jańa arenada oınaıdy

ASTANA. 1 sáýir. Qurlyqtyq hokkeı lıgasynyń kelesi maýsymynda Astananyń «Barysy» óz aıdynyndaǵy oıyndardy jańa arenada ótkizedi. Bul týraly hcbarys.kz habarlady. Keshe ǵana klýb prezıdenti bolyp taǵaıyndalǵan Aleksandr Koreshkovtyń aıtýynsha, jańa sport kesheni 12 myń oryndyq bolady. «Klýb qurylymynda ázirge aıtarlyqtaı ózgeris bolmaıdy. Maǵan aldymen komandanyń jetistikterin arttyrý úshin tyń usynystar jasaý mindeti júkteldi. О́zderińiz bilesizder, 2015-2016 jylǵy maýsymnan bastap «Barys» 12 myń oryndyq jańa muz aıdynynda oınaıdy. Soǵan baılanysty klýbtyń kommersııalyq mańyzyn jetildirý máselesin qarastyratyn bolamyz», – dedi Aleksandr Koreshkov. Aıta keteıik, keshe «Barys» komandasynyń bas demeýshisi «Qazaqstan Temir joly» Ulttyq kompanııasy klýb prezıdentiniń aýysqandyǵy týraly málimet taratty. Soǵan sáıkes, burynǵy prezıdent Nurlan Orazbaevtyń ornyna Aleksandr Koreshkov taǵaıyndaldy. Aleksandr Koreshkov burynǵy hokkeıshi. Kezinde «Torpedo» (О́skemen), «Metallýrg» (Magnıtogorsk), «Sıbır», «Severstal», «Mechel» jáne «Barys» komandalarynda oınaǵan. Qazaqstan quramasy sapynda da aıdynǵa shyqty. Al búginge deıin ol ulttyq quramanyń bas menedjeri qyzmetin atqaryp keldi. «Jańa qyzmetke aýyssam da, ulttyq quramadaǵy mindetimdi qosa atqaramyn. Sebebi, qurama men «Barys» komandasyn bólip qaraýǵa bolmaıdy», – degen jańa basshy aldaǵy ýaqytta jas hokkeıshilerge erekshe kóńil bólinetinin aıtty. Elaman Qońyr. Derek: hcbarys.kz. Sýret: skyscrapercity.com.