TARAZ. 20 mamyr. Jambyl oblysy ishki ister departamenti jáne ishki ister organdary ardagerlerler keńesiniń uıymdastyrýymen polısııa general-maıory F.Qypshaqbaevty eske alýǵa arnalǵan oblystyń quqyq qorǵaý jáne ishki ister organdary arasynda voleıboldan týrnır ótkizildi. Bul týraly egemen.kz tilshisi habarlady.
Týrnırge Jambyl oblysy quqyq qorǵaý jáne ishki ister organdary qyzmetkerlerinen quralǵan 17 komanda qatysty.
Jarys qorytyndysy boıynsha júldeli birinshi oryndy – Jambyl oblysy UQK departamenti komandasy, ekinshi oryndy – IID JQAJ komandasy, al Jambyl stansııasynyń jelilik ishki ister bóliminiń komandasy úshinshi orynǵa taban tiredi.
Atap ótetin bolsaq, eń tartysty oıyn bolyp fınaldaǵy ulttyq qaýipsizdik departamenti quramasy men ishki ister departamentiniń jyldam qımyldaıtyn arnaıy jasaq quramalarynyń oıyny boldy. Nátıjesi boıynsha Ulttyq qaýipsizdik departamentiniń quramasy 2:1 esebimen basym tústi.
Júldeli oryndy ıelengen komandalar ishki ister departamenti men ardagerler keńesiniń dıplomdarymen, medaldarymen, kýboktarmen jáne mılısııa general-maıory F.Qypshaqbaevtyń týystarynyń atynan baǵaly syılyqtarmen marapattaldy.
Oralhan Dáýit.
Derek, sýret: egemen.kz.
