PAVLODAR. 26 tamyzPavlodar qalasynda Qazaqstan Respýblıkasynyń IV jazǵy Paralımpııalyq oıyndar ótti. Bul týraly egemen.kz tilshisi habarlady.
«Dene múmkindikteri shekteýli tulǵalarǵa arnalǵan sporttyq daıarlaý ortalyǵy» RMQK dırektory Kydyrbek Rysbektiń aıtýynsha, tamyz aıynyń 19 men 23 aralyǵynda ótken jarysqa elimizdiń barlyq oblystarynan 600 úzdik sportshy qatysty. Olar sýda júzý, paýerlıftıng, oq atý, jeńil atletıka, voleıbol, ústel tennısi jáne de arbamen bıleý sııaqty 7 paralımpııalyq sport túrinen 424 medal jıyntyǵyn sarapqa saldy.
«Oıynnyń qortyndysy boıynsha sportshylar men komandalar ár túrli dárejeli dıplomdarǵa ıe bolyp, kýboktar, medaldar jáne de baǵaly syılyqtarmen marapattaldy. Bul syn 2016 jyly Rıo-de Janeıro qalasynda ótetin Paralımpııalyq oıyndarǵa lısenzııalar utyp alýdyń daıyndyǵy retinde ótkizildi.Jarys Pavlodar qalasynyń «Shymyr» júzý basseıni, ShJQ «Sporttyq klýb» KMK, «Baıantaý» sport saraıy, S. Toraıǵyrov atyndaǵy PMÝ stadıony, «AOTDTO» atys tıri, ortalyq stadıonda ótti», eddi ol. Al «Shtattyq ulttyq komandalar jáne sport rezervi dıreksııasy» RMQK dırektorynyń orynbasary Alekseı Krıýchkovtyń aıtýynsha, múmkindigi shekteýli adamdardyń qoǵamǵa ıntergrasııasynyń jaqsy múmkindigi bar, ol – sport. Bizdiń elimiz sportpen shuǵyldanýdy olarǵa qol jetimdi etýge barynsha jaǵdaı jasap jatyr.
«Búgingi tańda Qazaqstanda dene múmkindikteri shekteýli adamdarǵa arnalǵan 10 sporttyq uıym, Ońtústik Qazaqstan men Qaraǵandy oblystarynda eki mamandandyrylǵan sport mektebi jumys isteýde. Petropavl qalasynda joǵarǵy sporttyq sheberlik mektebiniń dene múmkindikteri shekteýli tulǵalarǵa arnalǵan sporttyq bóliminiń jumysy sátti júrip jatyr. Sonymen qatar, Pavlodar oblysynyń sporttyq jáne múgedektik oıyn túrleri boıynsha balalar men jastar sport mektebinde, Qyzylorda qalasyndaǵy múgedektik sport túrleriniń bólimi «Muz aıdyny» sporttyq kesheninde múmkindigi shekteýli jandarǵa barlyq jaǵdaı jasalǵan», eddi ol.
Jyl saıyn Mádenıet jáne sport mınıstrligi tarapynan ártúrli dárejedegi múgedekter arasynda70-ke jýyq chempıonattar, jarystar men týrnırler ótkiziledi. Olarǵa tórt myńnan astam sportshy-múgedekter qatysady. Oǵan qosa halyqaralyq saıystarǵa qatysý úshin olarǵa qarjylaı kómek kórsetiledi.
Dastan Kenjalın.
Derek, sýret: «Dene múmkindikteri shekteýli tulǵalarǵa arnalǵan sporttyq daıarlaý ortalyǵy» RMQK.
