Dıplomatııalyq qyzmetti jańǵyrtý salasyndaǵy tájirıbe almasý

Qazaqstan Prezıdenti N.Á.Nazarbaevtyń «Nur Otan» partııasynyń XVI sezinde jarııalaǵan bes ınstıtýttyq reformasyn, onyń ishinde zamanaýı, kásibı ári avtonomdy memlekettik apparat qurýdy júzege asyrý jónindegi tapsyrmasyn oryndaý maqsatynda Syrtqy ister mınıstri Erlan Ydyrysovtyń buıryǵymen qurylǵan mınıstrliktiń Jańǵyrtý jónindegi arnaıy jumys toby kadrlyq máseleler boıynsha sheteldik tájirıbeni zertteý maqsatynda Túrkııaǵa saparmen bardy. Sapar sheńberinde Ankarada Qazaqstan Syrtqy ister mınıstr­liginiń jaýapty hatshysy Anarbek Qarashev pen Túrkııa Syrtqy ister mınıstriniń birinshi orynbasary Álı Nadjı Korýdyń tóraǵalyǵymen eki elde kadrlyq saıasatty júzege asyrýdyń keń aýqymdy máseleleri talqylanǵan Qazaqstan men Túrkııa Syrtqy ister mınıstrlikteri arasyndaǵy kadrlyq máseleler jónindegi konsýltasııalar ótti. Atap aıtqanda, halyqaralyq qatynastar mamandaryn, ilespe aýdarmashylardy daıarlaý, SIM men sheteldik mekemeler arasyndaǵy kadr almasýy, dıplomatııalyq qyzmetkerler rezervi, dıplomattardy jeke sektorǵa, «aqylmandar» ortalyqtaryna, halyqaralyq uıymdarǵa jáne t.b. aýysý jáne ýaqytsha issaparǵa jiberý máseleleri talqylandy. Memleket basshysynyń naqty 100 qadamnan turatyn Ult jos­paryn júzege asyrýǵa qatysty qoıǵan tapsyrmalaryn oryndaý maqsatynda Syrtqy ister mınıstr­ligi memlekettik qyzmet júıesin jań­ǵyrtý jáne zamanaýı, kásibı memlekettik apparat qurý týraly sheteldik tájirıbeni zerttep, zerdeleýde. Osyǵan oraı, osyndaı konsýltasııalardyń ótkizilip turýy Memleket basshysy qoıǵan tapsyrmalardy tıimdi júzege asyrýǵa septigin tıgizedi. «Egemen-aqparat».