Qazaqstandyq jeńil atlet, Olımpıada chempıony Olga Rypakova 2016 jyly Brazılııanyń Rıo-de-Janeıro qalasynda ótetin Olımpıadaǵa joldamany jeńip aldy. Ortalyq armııa sport klýbynyń kapıtany bolyp tabylatyn Rypakova bul bıikti Shanhaıda ótken «Brıllıant lıgasy» saıysynyń ekinshi týrynda qola medaldi jeńip alý arqyly baǵyndyrdy. Onyń osynaý jarystaǵy sátti jeńisi Rıo-de-Janeıro Olımpıadasyna joldama alýyna múmkindik berdi. Osymen Olga Rypakova óziniń sporttyq mansabynda Olımpııalyq oıyndarǵa úshinshi márte qatysqaly otyr. Buǵan deıin ol 2008 jyly Pekın Olımpıdasynda óner kórsetse, 2012 jyly London Olımpıadasynda altyn medaldi jeńip aldy. «Halyqaralyq jarystarda bıikten kórinip júrgen talantty sportshy Qazaqstannyń jáne elimizdiń Qarýly Kúshteriniń atyn shyǵarýda. Onyń jeńisteri áskerı qyzmetshiler men jastardyń sportpen aınalysýǵa degen qyzyǵýshylyǵyn týdyryp, yntalandyrady», – dep atap ótilgen Qorǵanys mınıstrligi baspasóz qyzmetiniń habarlamasynda.
Rýslan IGILIK.
