Kir tastary

Ony kóteretin Mańǵystaýdyń bilekti qyzdary «álemdi moıyndatamyz» dep otyr Mańǵystaýdyń bilekti qyzdary óz baqtaryn sportta synap, bıik maqsattarǵa umtylyp otyr. Budan jarty jyl buryn qurylǵan  oblystyq kir tasy sporty jáne armrestlıng federasııasynda 40 adam jattyǵyp júr desek, sonyń 28-i  qyzdar. Alǵashynda 8 kelilik kir tas­taryn kóterýdi bastaǵan qyzdar búginde 24 keli tasty emin-erkin serpıtin bolǵan. Az ýaqyt ishinde jeńister men jetistikterden de quralaqan emes – olar jýyrda ótken el birinshiliginde 5 medal ıelengen, al qurylǵaly jarty jyl ishinde federasııa qorjynyna 12 altyn, kúmis jáne qola medal kelip túsken. Mańǵystaýda bul sport túrine qyzdardyń qyzyǵýshylyǵy kúrt artyp tur. Jattyqtyrýshylar buryn dzıýdo, kúres jáne bokspen aınalysqan qyzdar ǵana emes, tájirıbesi joq aýyldyq qyzdar da aýyr kir tastaryn kóterip, kúsh synasýǵa yntaly ekendigin aıtýda. El birinshiliginde aýyr salmaqtaǵy sportshy, qol kúresiniń sheberi Aıjan Mamaqova Malaızııada ótetin álem chempıonatyna joldama jeńip alǵan. 17 jasar Aı­­­jan aldyna qazaq qyzdarynyń  qaısar, batyl, ǵalamat kúsh ıesi ekenin kúlli álemge pash etemin dep maqsat qoıyp otyr. Gúlaıym ShYNTEMIRQYZY, «Egemen Qazaqstan». Mańǵystaý oblysy.