Mańǵystaýda alǵash ret vızıt-ortalyq salynady

AQTAÝ. 3 shilde. Mańǵystaýda alǵash ret vızıt-ortalyq salynady. Bul týraly 24.kz saıtyna silteme jasaǵan egemen.kz tilshisi habarlady. Mańǵystaý túbeginiń tarıhı jerleri men tańǵajaıyp tabıǵatyn tamashalaýǵa kelgen saıahatshylar úshin oblysta alǵash ret týrıstik vızıt-ortalyǵy salynbaq. О́ńirge kelgen meımandar aldymen osynda tirkelip, qajetti aqparatpen qamtylatyn bolady. Olar odan ári mamandardyń kómegimen tańdaǵan baǵyty boıynsha saıahatqa shyǵady. Ortalyq jańadan salynyp jatqan respýblıkalyq mańyzǵa ıe avtojoldar men temirjoldardyń túıisetin jeri bolyp tabylatyn, Aqtaýdan 300 shaqyrym jerdegi Manaty asýynyń boıynda ornalasady. Bul shet elder men otandyq týrıster úshin yńǵaıly bolmaq. Ortalyqqa qajetti elektr qýaty jel jáne kún kózinen alynady. Qurylysty bastaý úshin jergilikti qazynadan 20 mln. teńge bólindi. Qurylys jumystary keler aıda bastalady. «Týrıstik vızıt-ortalyǵy salynatyn bolsa, bul kásipkerlikti damytýǵa úlken yqpal etedi. Sebebi, ashana, kishigirim medısınalyq ortalyq, kólik jóndeý oryndary ashylatyn bolady», deıdi Mańǵystaý oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Orynbasar Toǵjanov. Gúlaıym Shyntemirqyzy. Derek, sýret: egemen.kz.