Ortalyq Azııadaǵy shetel ınvestısııasynyń 4-ten 3-i Qazaqstannyń úlesinde

ASTANA. 21 mamyr. Astanada ótip jatqan Astana ekonomıkalyq forýmynda Premer-Mınıstr Kárim Másimov Ortalyq Azııadaǵy barlyq sheteldik ınvestısııanyń tórtten úshin Qazaqstan tartyp jatqanyn aıtty. Bul týraly «QazAqparat» habarlady. «Qazaqstan bıznes úshin ashyq jáne ony júrgizý boıynsha elimiz Ortalyq Azııada eń úzdik. Sol úshin Qazaqstanda ınvestısııalar basym sıpatqa ıe. Táýelsizdik jyldarynda biz damýdyń qýatty tuǵyrnamasyn qurdyq. Sońǵy 10 jylda Qazaqstannyń ekonomıkalyq ósimi eki esege artty», – dedi Úkimet basshysy. Sondaı-aq, Kárim Másimov búginde Qazaqstan ekonomıkasy zerdelengen ınvestısııalyq saıasattyń arqasynda ártaraptandyryla túskenin nazarǵa aldy. «Biz Ortalyq Azııaǵa mıllıardtaǵan dollardy tartýdamyz. О́ńirdegi barlyq sheteldik ınvestısııanyń tórtten úsh bóligi Qazaqstannyń enshisinde. Sonymen qatar, ınvestısııalyq úrdis qarqyn alyp keledi. Nátıjesinde básekelestik artyp, ekonomıkamyzdyń ońtaılylyǵy jemisti bolýda», – dedi Premer-Mınıstr. Elaman Qońyr. Derek: «QazAqparat». Sýret: egemen.kz.