Qyzylordalyqtar qarýlaryn tapsyryp jatyr

QYZYLORDA. 27 tamyz. Travmatıkalyq qarýdy erikti túrde ótemdi tapsyrý shyǵyndaryn qarjylandyrý úshin respýblıkalyq bıýdjetten Qyzylorda oblysyna 12 286 000 teńge bólingen. Aksııa bastalǵan ýaqyttan beri turǵyndardan ár túrli úlgidegi 306 dana qarý tapsyryldy. Bul týraly egemen.kz tilshisi habarlady. Turǵyndardan alynǵan atys qarýlaryna tıisti saraptamalar taǵaıyndalyp, qabyldanǵan tapanshalardyń 273 danasyna komıssııa qorytyndysymen sheshim qabyldanyp, 239 tulǵaǵa tıisti qarajat tólendi. Osyǵan sáıkes, qarýlaryn erikti túrde ótkizbegen azamattarǵa eskerte keterlik jaıt, 2016 jyldyń 1 qańtarynan bastap jaraqat salatyn patrondarmen atý múmkindigi bar uńǵysyz atys qarýyn, sol sııaqty onyń patrondaryn zańsyz ıemdený, berý, ótkizý, saqtaý, tasymaldaý nemese alyp júrý Qylmystyq kodekstiń 287-babynyń 2-bóligimen 2 myń aılyq eseptik kórsetkishke deıingi mólsherde (3 964 000 teńge) aıyppul salýǵa ne sol mólsherde túzeý jumystaryna ne bir jylǵa deıingi merzimge bas bostandyǵynan aıyrýǵa jazalanady. Erjan Baıtiles. Derek: egemen.kz. Sýret: radiotochka.kz.