Soltústik Qazaqstannyń izdeý toptary 577 jaýyngerdiń súıegin tapty

PETROPAVL. 21 mamyr.  Reseıdiń Novgorod jáne Týla oblystarynda bolyp, dástúrli «Eske alý vahtasynan» oralǵan «Salang» jáne «Poısk» áskerı-patrıottyq klýbtardyń ókilderi brıfıng ótkizdi. Bul týraly egemen tilshisi habarlady. Atalmysh klýbtar «Eske alý vahtasy» ekspedısııasyna 1989 jyldan beri úzbeı qatysyp keledi. Bul joly Uly Jeńistiń 70 jyldyǵy qurmetine ótkizilgen aıtýly shara barysynda bir aıǵa jýyq qazba jumystary júrgizilip, qan maıdanda habar-osharsyz ketken jaýyngerler men ofıserlerdiń máıitteri izdestirilgen. «19 sáýirde ekspedısııaǵa attanyp, oljaly oraldyq.  577 bozdaqtyń súıegi tabylyp, 13-niń medalony oqyldy», deıdi Petropavl qalasy bilim bóliminiń alǵashqy áskerı daıyndyq ortalyǵy dırektorynyń orynbasary Vladımır Iýrchenko. «Poısk» izdeý jasaǵynyń jetekshisi Andreı Koshelev Týla oblysyna qarasty Berezov aýdany aýmaǵynda 61 jaýyngerdiń súıegin taýyp, ekeýiniń aty-jónderin anyqtaǵandaryn, keıin Zamarın degen qatardaǵy sarbazdyń týǵan-týystary tabylǵanyn jetkizdi. О́mir Esqalı. Derek, sýret: egemen.kz