Petropavl saıajaıshylaryn sapasyz jol dińkeletip tur

PETROPAVL. 21 mamyr. Mamyr-kókónis pen jemis-jıdek otyrǵyzýdyń eń qolaıly merzimi sanalǵanymen, petropavldyq turǵyndardyń saıajaılarǵa jetýi bir muń bolyp otyr. Bul týraly egemen tilshisi habarlaıdy. Saıajaılardaǵy qarbalas tirlik bastalmaı jatyp joldyń sapasyzdyǵyna shaǵymdanǵan zeınetkerler aldymen dabyl qaqty. Ásirese, jaýyn-shashyndy kúnderi saıajaılar ornalasqan jer telimderi ezilip, kólik túgil adamdardyń ózderi batpaqtap qalatyn jaıttar jıi kezdesedi. Sheneýnikter bolsa, saıajaı turmaq qala ishindegi tas joldardy jóndeýge qarjy tapshy dep qol qýsyrady. «Solnechnaıa» yqshamaýdany baǵytyndaǵy 800-ge jýyq saıajaı ıeleriniń kórgen kúni osy. «Adamnyń óńi túgil túsine enbeıtin mynandaı oıly-shuńqyrly, kedir-budyrly joldarmen júrý esh múmkin emes. Saıajaıǵa jete almaı dińkelep júrmiz. Joldyń nasharlyǵynan aptasyna eki ret qatynaıtyn avtobýs ta júrisin doǵarǵan.  Oıdym- oıdym joldyń kesirinen apatqa ushyraı jazdaǵan. Sonyń saldarynan ájeler men kóligi joqtar qalanyń sońǵy aıaldamasynan túsip, saıajaılarǵa deıin 3-4 shaqyrym jaıaý-jalpylap júrgeni», deıdi turǵyndar. Saıajaıshylar muńdaryn shaǵyp,qalalyq ákimdiktiń esigin tozdyrǵanymen, ondaǵylar aýyzdaryn qý shóppen súrtip otyr. Bıyl jergilikti qazynadan saıajaılarǵa kók tıyn qarastyrylmaǵanyn alǵa tartady. Tek 18 kósheniń shuńqyrlaryn jamaýǵa shamaly qarajat bólinse kerek. Qalalyq saıajaıshylar qoǵamynyń tóraǵasy Vıktor Malınko saıajaılarǵa jaryq, sý tartyp, kúzetti kúsheıtýge 21 mıllıon suralǵanymen, aqshanyń bólinýi ekitalaı deıdi. О́ıtkeni, qala bıýdjeti aıtarlyqtaı qysqarǵan. Shendiler aqsha artylsa, saıajaılarǵa aparatyn joldardy jóndeımiz dep emeksitkenimen, qurǵaq ýádege ábden toıǵan saıajaıshylardyń sengisi joq. О́mir Esqalı. Derek, sýret: egemen.kz.