Qostanaı oblysy ákiminiń birinshi orynbasary bolyp Ǵaýez Nurmuhambetov taǵaıyndaldy

QOSTANAI. 21 mamyr. Ǵaýez Nurmuhambetov Qostanaı oblysy ákiminiń birinshi orynbasary boldy. Bul týraly egemen.kz tilshisi habarlady. Jańa orynbasardy oblys ákimi Nuraly Sádýaqasov oblys ákimdiginiń keńeıtilgen májilisinde tanystyrdy. Ǵaýez Torsanuly Qazaqstan Respýblıkasy Prezıdenti ákimshiliginiń ınspektory qyzmetinen keldi. Ǵaýez Nurmuhambetov Prezıdent ákimshiliginiń ınspektorlyǵyna ótken jyldyń maýsym aıynda ketken bolatyn. Oǵan deıin Qostanaı qalasynyń ákimi bolǵan edi. Birinshi orynbasaryn tanystyrǵan oblys ákimi Nuraly Sádýaqasov Ǵaýez Nurmuhambetovtyń bul saladaǵy tájirıbesine baǵa jetpeıtindigin aıtty. Onyń eńbek joly tek Qostanaı oblysymen baılanysty órilip keledi. Taran, Áýlıekól, Qarabalyq aýdandaryn basqardy, Qostanaı qalasyna eki ret ákim boldy. Oblys ákimi Nuraly Sádýaqasov: «Ekonomıka, kommýnaldyq turǵyn úı sharýashylyǵy, qurylys Ǵaýez Torsanulyna tanys qyzmetter. Barlyq kúsh-jigerin óńirdiń gúldenýine jumsaıdy dep senemiz», dedi. Oblys ákiminiń burynǵy birinshi orynbasary Evgenıı Aman zeınetkerlik demalysqa shyqty. Názıra Járimbetova. Derek, sýret: egemen.kz