QYZYLORDA. 21 mamyr. Mádenıet jáne óner qyzmetkerleriniń kúni merekesine oraı Á.Tájibaev atyndaǵy oblystyq kitaphanadan Qazaqstannyń halyq jazýshysy, aýdarmashy, dramatýrg Qaltaı Muhamedjanovtyń jeke kitaphanasy ashyldy. Bul týraly egemen.kz tilshisi habarlady.
Sharaǵa oblys ákimi Qyrymbek Kósherbaev qatysyp, jańa kitaphananyń ashylýymen quttyqtady. «Qaltaı aǵanyń ómirden ozǵanyna da 14-15 jyldyń júzi boldy. Ol kisi artyna baı ádebı murasy men dramalyq shyǵarmalaryn, pýblısıstıkalyq eńbekteri men birqatar aýdarmalaryn qaldyryp ketti. Keleshekte bul kitaphananyń halyq ıgiligine qyzmet etetin mádenı ortalyqqa aınalatynyna, oqyrmandarynyń júregine jol tabatyn bilim ordasyna aınalaryna senimimiz mol», – dedi oblys ákimi.
Aıta keteıik, jazýshynyń dramatýrgııalyq shyǵarmalary shet tilderine aýdarylyp, AQSh, Ulybrıtanııa, Bolgarııa, Vengrııa, Mońǵolııa, Reseı, Qyrǵyzstan jáne taǵy basqa elderdiń teatrlarynda qoıylǵan. Búgingi kúni kitaphanaǵa jazýshynyń jeke kitaphanasyndaǵy 8 myńǵa jýyq kitap, kóp jyldar paıdalanǵan zattary, jazý quraldary, kádesyılary men portreti ákelingen.
Erjan Baıtiles.
Derek, sýret: egemen.kz.
