Kásipkerlikti damytý turǵysynda

Kásipkerlik naqty ispen kór­setiletin jumys. Tek órkenıetti elderdegideı saýatty ári jan-jaqtyly damyta bilý qajet. Taldyqorǵan qalasyna Ult­­tyq kásipkerler palatasy tór­alqasynyń tóraǵasy Tımýr Quly­baev arnaıy kelip, jergilikti kásipkerler palatasynyń keńeı­tilgen otyrysyn ótkizdi. Jetisýlyq kásipkerler aldynda Almaty oblysynyń ákimi Amandyq Batalov óńirde kásipkerlikti damytý barysy týraly maǵlumat bere sóz sóıledi. Sharanyń negizgi bóliginde ÚIID baǵdarlamasy aıasyndaǵy damý deńgeıiniń kórsetkishteri talqylanyp, otandyq ónimderdi óndirý máselesi sóz boldy. Osy baǵytta jergilikti kásipkerler palatasy oblystyq fılıalynyń dırektory Lázzat Shyńǵysbaeva baıandama jasady. Kásipkerler palatasynyń keńeıtilgen otyrysynda agrarly oblysta qant qyzylshasyn ósirýshilerdi qarjylandyrýǵa, tyńaıtqysh satyp alý, memlekettik túrli salymdarǵa salyq tóleý, bekire balyǵyn ósirý, qurylys zattaryn jasaý, tasymaldaý jáne otandyq taýardy eksportqa shyǵarý, fermerler mektebin ashý syndy birqatar máselelerge UKP tóraǵasy tarapynan jaýap berildi. Nurbol ÁLDIBAEV, «Egemen Qazaqstan». TALDYQORǴAN.