Kondıterler baıqaýy

Keshe qala kúni merekesine oraı elordada dástúrli «Kondıterler festıvali» ótti.  Tátti tortty kim jaqsy kórmeıdi deısiz? Kongress-holl saraıyna jınalǵan qala turǵyndary men qonaqtaryna  14-ten astam kondıterlik ónim shyǵaratyn kásiporyn óz ónimderin usyndy. Joba  maqsaty − kondıterlik kásibı sheberlikti shyńdaı otyryp, aspazdardyń tátti taǵamdar daıyndaýdaǵy qarym-qabileti men  múmkindikterin kópshilikke keńinen tanystyrý, dáripteý. Al, uıymdastyrýshylardyń pikirinshe, festıval qoǵam­dyq tamaqtaný salasynda mamandardyń kásibı deńgeıin arttyrýǵa sep bolmaq. Torttar − tátti pırogtar túri.  Italııada shyǵarylǵan. Italııa tilinde kondıter degenimiz −  tort daıyndaýshy − tortaıo dep atalady. Torttar −  ártúrli pishinde daıyndalatyn ónim. Árbir torttyń basty ıngredıenti − krem. Sol kremnen san alýan beınedegi, tipti, adam sanasyna syımaıtyn táttiniń nebir atasy jasalady. Jasyratyny joq, keıde adamnyń ushqyr qııaly men altyn ýaqytyn jumsaǵan úlken eńbegin bir demde tamsana jep qoıýǵa dátiń barmaı tu­rady. Keıde, onysyn kádesyı – eskertkishke balap, kesýge batylyń jetpeı jatatyn sátter kóp. «Kondıterler festıvali» aıasynda Astananyń ásemdigin aıshyqtaǵan, sosyn Elorda sımvoly – qar barysy, «Jaılaý» kórinisterin pash etetin torttar kópshilik nazaryn anadaıdan ózine aýdarady.  Bul joly da táttiden bas tartpaıtyn jurtshylyq olar­ǵa óz tańdaýlaryn jasap jatty. Sondaı-aq, merekelik shara sheńberinde arnaıy mamandardan komıssııa  qurylyp, olar da aspaz eńbegine oń baǵa berdi. Baıqaý qorytyndysyna sáıkes «Úzdik merekelik tort» ata­lymyn «Aprel-2030» JShS, «Tátti týyndy» atalymyn «Mad­len» JShS, ­son­daı-aq, «Tát­tiler patshasy» ata­ly­my boıynsha «Lucky café» kásip­orny jeńimpaz atanyp, ­árqaı­sy­sy plazmalyq teledıdar ıelendi. Baıqaýǵa qatysqan basqa da úmitkerlerge baǵaly syılyq­­tar tartý etildi. Merekelik shara sońy konserttik baǵdarlamaǵa ulasty. Raýshan TÁÝIRHANQYZY, jýrnalıst. Sýretti túsirgen Erlan OMAROV.