Qarjy tıimdi paıdalanylýy tıis

Parlament Senaty Qarjy jáne bıýdjet komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy qaraldy. Qujatta bıýdjet jobasyn ta­nystyrý sıpatyn ózgertý arqy­ly bıýdjetti josparlaý sapa­syn arttyrý, memlekettik organ­dardyń strategııalyq jospar­larynyń maqsaty men nysanaly kór­setkishteriniń bıýdjet shyǵys­tarymen ózara baılanysyn kú­sheıtý kózdelip otyr. Komıtette zańnamaǵa tolyq sa­lyq tóleý men kóleńkeli eko­nomıkaǵa qarsy is-qımyldy qam­­ta­masyz etetin, deklarasııalaýdy ózdiginen júrgizý kózdeletin jeke tulǵalardyń tabys­tary men múlkin deklarasııalaý máseleleri boıynsha túzetýler de qaraldy. Senatorlar «Qazaqstan Respýblıkasyndaǵy saılaý týraly» Kon­stı­týsııalyq zańǵa, Qazaqstan Respýblıkasynyń azamattaryna, oralmandarǵa jáne Qazaqstan Respýb­lıkasynda turýǵa yqtııarhaty bar adam­darǵa olardyń múlikti jarııa etýine baılanysty raqymshylyq jasaý máseleleri boıynsha zańnamaǵa túzetýlerdi qarady. Odan basqa, Qazaqstan Respýb­lıkasynyń keıbir zańnamalyq aktilerine ońaltý jáne bankrottyq máseleleri boıynsha ózgerister men tolyqtyrýlar engizý týraly zań jobasy qaraldy. Zań jobalary palatanyń qaraýyna jiberildi, dep habarlady Senattyń baspasóz qyzmeti.