Forým jumysyna belsendi qatysady

Qazaqstan Respýblıkasynyń Prezıdenti Nursultan Nazarbaevtyń Arnaıy ýákili, Par­lament Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Vatıkannyń Memlekettik hatshysy Petro Parolınmen kelissóz júrgizdi jáne aldaǵy Álemdik jáne dástúrli dinder kóshbasshylarynyń V sezine qatysýǵa Rım Papasy Fransıskke, Memlekettik hatshy Petro Parolınge jáne kardınal Jan Lýı Toranǵa shaqyrýdy tabys etti. Dinı forýmnyń 2015 jylǵy 10-11 maýsymda Astanada ótetini málim. Senator sezge jan-jaqty qoldaý bildirgeni úshin Memlekettik hatshy men Vatıkannyń joǵary basshylyǵyna rızashylyq bildirdi jáne Qazaqstan men Vatıkan arasyndaǵy dıplomatııalyq qatynastar ózara túsinistik pen senimge negizdelgen syndarly is-qımyldyń ónegesi bolyp tabylatynyn atap ótti. «Qazaqstan 100-den astam ult pen 17 konfessııa ókilderi beıbit jáne kelisimmen ómir súretin kópultty el. Qazaqstan halqy Assambleıasy ultaralyq jáne dinaralyq kelisimdi nyǵaıtýda zor ról atqarady. Qazaqstan úshin toleranttylyq qaǵıdasy memlekettik saıasattyń ajyramaıtyn bólshegi bolyp otyr. О́rkenıetter únqatysýyndaǵy Batys pen Shyǵys arasyndaǵy ózara is-qımyldy nyǵaıtýǵa umtylys bizdi qanattandyrady», dep atap ótti I.Adyrbekov. Memlekettik hatshy Álem­dik jáne dástúrli dinder kósh­bas­shy­larynyń V sezine qatysýǵa shaqyr­ǵany úshin Qazaqstan Prezıdenti N.Nazar­baevqa alǵysyn bildirdi jáne Vatıkan forým ju­my­syna aldaǵy ýaqytta da belsendi qatysatynyn jetkizdi.