Qazaqstan halqy Assambleıasynyń quttyqtaýy

Qurmetti otandastar! Qazaqstan halqy Assambleıasy Sizderdi Qazaqstan Respýblıkasy Konstıtýsııasynyń 20 jyldyq mereıtoıymen quttyqtaıdy. Elimizdiń jasampaz jańa dáýiriniń bastalýyna negiz bolǵan Ata Zańymyzdyń qabyldanýy shyn máninde tarıhı mańyzy zor qadam. 1995 jyl – Qazaqstan úshin túbegeıli ózgerister jyly boldy. Assambleıanyń qurylýy jáne onyń bastamashylyǵymen ótken Búkilhalyqtyq referendýmda Konstıtýsııanyń qabyldanýy azamattyq qoǵam men memleket damýynyń evolıýsııalyq jolyn aıqyndap berdi. Budan 20 jyl buryn biz memleketimizdiń nyǵaıýyna, birtutas elimizdiń ósip-órkendeýine, Elbasy N.Á.Nazarbaevtyń qoǵamdyq kelisim jáne el birligi úlgisiniń qalyptasýyna negiz qaladyq. Búgin biz teń quqyqtar men teń múmkindikterge ıe halyqpyz, beıbitshilik pen kelisim aıasynda ómir súrýdemiz. Bizdiń elimiz turaqtylyq pen tatýlyqtyń úlgisine aınaldy. Biz basty maqsatymyzǵa qol jetkizdik – kópetnosty halqymyz Qazaqstannyń strategııalyq resýrsy – birtutas el bolyp qalyptasty. Birligimizdi bekemdep, Konstıtýsııa qaǵıdalaryna beriktikti negizge ala otyryp, biz aýqymy boıynsha teńdessiz «Barshaǵa arnalǵan zamanaýı memleket» 100 naqty qadam Ult josparyn iske asyrýǵa kiristik. Búgin bizdiń ortaq mindetimiz – Ata Zańǵa súıene otyryp, alǵa qoıǵan maqsattardy júzege asyrý, elimizdiń turaqty damýy men onyń ár azamatynyń ál-aýqatyn arttyrýǵa tıimdi qol jetkizý. Qadirli otandastar! Konstıtýsııa kúni – barsha qazaqstandyqtardyń merekesi. Ata Zańnyń 20 jyldyǵy – Qazaqstan halqynyń ómirindegi eleýli oqıǵa. Bul mereıtoıdyń Qazaqstan halqy Assambleıasynyń jyly ótýi erekshe qýanyshty. Osy jyl, osy mereıtoı Qazaqstan halqynyń birligi men ósip-órkendeýiniń jarqyn kórinisi retinde el esinde saqtalsyn! Konstıtýsııa kúni qutty bolsyn, qymbatty jerlester! Sizderge myqty densaýlyq, elimizdiń órkendeýi jolynda jańa tabystar tileımiz! Úılerińizde árqashan bereke-birlik, ıgilik pen molshylyq bolsyn! Qazaqstan  halqy  Assambleıasynyń Keńesi.