Keshe Qazaqstan Kommýnıstik halyqtyq partııasynan (QKHP) usynylǵan Qazaqstan Respýblıkasy prezıdenttigine kandıdat, QKHP Ortalyq komıtetiniń hatshysy Turǵyn Syzdyqov Qostanaı qalasynda «Bolshevıchka» AQ tigin fabrıkasy ujymynyń ókilderimen kezdesti.
Kezdesý basynda Turǵyn Ysqaquly saılaýaldy tuǵyrnamasynyń negizgi aspektilerin usyndy. Kommýnıster úshin marksızm – qorshaǵan ómirdiń ózgerýine, qoǵamdyq damýdaǵy jańa qubylystar men derekterdi jınaqtap, mánin túsinýmen baılanysty udaıy damyp kele jatqan jasampaz ǵylym bolyp tabylady.
Alǵa qoıylǵan maqsattarǵa jetý úshin marksızm-lenınızm men Qazaqstan Kommýnıstik halyqtyq partııasynyń baǵdarlamalyq ustanymdaryn jáne onyń qyzmetin nasıhattaý qajet. Búgin men qazirgi zamanda adamgershilik qundylyqtaryn ózgertetin negizgi máseleler týraly partııanyń atynan málimdep otyrmyn.
Tek kommýnıster ǵana emes, basqa da iri saıasatkerlerdiń, ekonomısterdiń, ǵalymdardyń paıymdaýynsha, batys qoǵamy ádiletsiz bolyp tabylady. Kommýnıstik oılardy iske asyrý adam men tabıǵattyń úılesýine septigin tıgizedi.
Búgin batystyq turmys saltynyń kemshilikteri mádenıet salasynda anyq baıqalady. Qazirgi zamanǵy batys qoǵamy kapıtalıstik joldyń alysqa aparmaıtynyn kórsetip otyr.
Búgingi álemdegi toıymsyz tutynýshylyq degenimiz ne? – Bul qoldan jasalǵan jalǵan qubylys. Ol «ómirdiń máni – jeke bastyń qamy» degen teris tárbıe beredi. Adamgershilik qundylyqtar júıesin ómirge degen qanaǵatsyz kózqaras almastyrdy. Bul óskeleń urpaqty tárbıeleýde birqatar kúrdeli máseleler týyndatýda.
Batys mádenıeti bızneske aınaldy. Onyń qundylyqtarynyń basty sharty suranys pen usynys qarym-qatynasyna ǵana negizdeledi. Sońǵy jyldary álemdi tolqytqan saıası jáne ekonomıkalyq daǵdarystar jıilep ketti. Ekonomıka men qarjy salalaryn dendegen transulttyq korporasııalardyń ústemdigi qoǵamnyń ydyraýyna alyp keldi.
Batys qoǵamy súıenip kelgen orta tap birte-birte moraldyq turǵyda azyp-tozǵan toǵyshar tutynýshyǵa aınalyp barady. Progresti regress almastyrdy. Adamzat osy kúnge deıin jınaqtap kelgen moraldyq jáne mádenı qundylyqtar kóleńkege ketip, bir mezettik qajettilikti qanaǵattandyrý basty maqsatqa aınaldy, dedi prezıdenttikke kandıdat.
QKHP Qostanaı oblystyq komıtetiniń birinshi hatshysy A.Álimbaev jınalǵandarǵa bylaı dedi: «Kandıdatymyzdyń saılaýaldy shtaby úgit-nasıhat jumystaryn júrgizip, tıisti aqparattyq qyzmet atqarýda. Shtabymyzda 5 senim bildirilgen adam bar. Olar úgit-nasıhat materıaldaryn ornalastyryp, halyqpen kezdesýler uıymdastyrýmen aınalysady. Sondaı-aq, úgit-nasıhat jumysynda «Qazaqstan Kommýnısi» gazeti, partııa saıty, ınternet pen áleýmettik jeliler belsendi qoldanylýda».
Názıra JÁRIMBETOVA,
«Egemen Qazaqstan».
QOSTANAI.
Kezdesý basynda Turǵyn Ysqaquly saılaýaldy tuǵyrnamasynyń negizgi aspektilerin usyndy. Kommýnıster úshin marksızm – qorshaǵan ómirdiń ózgerýine, qoǵamdyq damýdaǵy jańa qubylystar men derekterdi jınaqtap, mánin túsinýmen baılanysty udaıy damyp kele jatqan jasampaz ǵylym bolyp tabylady.
Alǵa qoıylǵan maqsattarǵa jetý úshin marksızm-lenınızm men Qazaqstan Kommýnıstik halyqtyq partııasynyń baǵdarlamalyq ustanymdaryn jáne onyń qyzmetin nasıhattaý qajet. Búgin men qazirgi zamanda adamgershilik qundylyqtaryn ózgertetin negizgi máseleler týraly partııanyń atynan málimdep otyrmyn.
Tek kommýnıster ǵana emes, basqa da iri saıasatkerlerdiń, ekonomısterdiń, ǵalymdardyń paıymdaýynsha, batys qoǵamy ádiletsiz bolyp tabylady. Kommýnıstik oılardy iske asyrý adam men tabıǵattyń úılesýine septigin tıgizedi.
Búgin batystyq turmys saltynyń kemshilikteri mádenıet salasynda anyq baıqalady. Qazirgi zamanǵy batys qoǵamy kapıtalıstik joldyń alysqa aparmaıtynyn kórsetip otyr.
Búgingi álemdegi toıymsyz tutynýshylyq degenimiz ne? – Bul qoldan jasalǵan jalǵan qubylys. Ol «ómirdiń máni – jeke bastyń qamy» degen teris tárbıe beredi. Adamgershilik qundylyqtar júıesin ómirge degen qanaǵatsyz kózqaras almastyrdy. Bul óskeleń urpaqty tárbıeleýde birqatar kúrdeli máseleler týyndatýda.
Batys mádenıeti bızneske aınaldy. Onyń qundylyqtarynyń basty sharty suranys pen usynys qarym-qatynasyna ǵana negizdeledi. Sońǵy jyldary álemdi tolqytqan saıası jáne ekonomıkalyq daǵdarystar jıilep ketti. Ekonomıka men qarjy salalaryn dendegen transulttyq korporasııalardyń ústemdigi qoǵamnyń ydyraýyna alyp keldi.
Batys qoǵamy súıenip kelgen orta tap birte-birte moraldyq turǵyda azyp-tozǵan toǵyshar tutynýshyǵa aınalyp barady. Progresti regress almastyrdy. Adamzat osy kúnge deıin jınaqtap kelgen moraldyq jáne mádenı qundylyqtar kóleńkege ketip, bir mezettik qajettilikti qanaǵattandyrý basty maqsatqa aınaldy, dedi prezıdenttikke kandıdat.
QKHP Qostanaı oblystyq komıtetiniń birinshi hatshysy A.Álimbaev jınalǵandarǵa bylaı dedi: «Kandıdatymyzdyń saılaýaldy shtaby úgit-nasıhat jumystaryn júrgizip, tıisti aqparattyq qyzmet atqarýda. Shtabymyzda 5 senim bildirilgen adam bar. Olar úgit-nasıhat materıaldaryn ornalastyryp, halyqpen kezdesýler uıymdastyrýmen aınalysady. Sondaı-aq, úgit-nasıhat jumysynda «Qazaqstan Kommýnısi» gazeti, partııa saıty, ınternet pen áleýmettik jeliler belsendi qoldanylýda».
Názıra JÁRIMBETOVA,
«Egemen Qazaqstan».
QOSTANAI.
