Geologtar merekesi atalyp ótti

Sáýir aıynyń alǵashqy jeksenbisi – Qazaqstan geologtarynyń kásibı merekesi. Osyǵan oraı keshe Astanada arnaıy merekelik jıyn ótti. Oǵan Investısııalar jáne damý mınıstri Áset Isekeshev qatysyp, geologtardy tól merekelerimen quttyqtady.  «О́zderińiz biletindeı, eli­mizde ındýstrııalandyrý baǵdar­lamasy iske qosylǵannan beri  geo­logııa salasyna aıryqsha kóńil bólinip otyr. О́tken besjyl­dyqta aıtarlyqtaı kóp ju­mystar atqaryldy. Bul siz­der­diń eńbekterińizdiń arqasynda.  Sondyqtan sizderge, barlyq geo­logtar qaýymyna alǵys bildi­remin. Aldymyzda áli de biraz mindetter tur. Biz osy mindett­erdi oryndaýǵa barlyq kúsh-ji­gerimizdi jumsap, maqsat­tarymyzǵa jetemiz dep senemin, degen Áset Isekeshev,  geologtarǵa zor densaýlyq, eńbekterine jemis, otbasylaryna amandyq tiledi. Mınıstr odan ári bul salanyń memlekettiń ekonomıkalyq saıa­satynda basymdyqqa ıe bolyp otyrǵandyǵyn erekshe atap ótti. Bul rette osy jyly ult­tyq kom­panııalardyń, iri jer qoı­naýyn paıdalanýshylardyń jáne ınvestorlardyń qatysýy­men geologııalyq barlaý jumys­tary­nyń 5 jyldyq baǵdarlamasyn iske asyrý bastalǵanyn tilge tıek etti. Mınıstrdiń aıtýynsha, bıylǵy jyldan bas­tap 2015-2019 jyldarǵa arnal­ǵan geologııalyq barlaý jumystarynyń mem­le­kettik baǵdarlamasy júzege asa bas­taıdy. «Osyǵan oraı, bul baǵytta arnaıy qarajattar qam­tylyp otyr. Álemdik kúrdeli ahýal­dyń oryn alǵanyna qaramas­tan, atalǵan baǵdarlamany jú­zege asyrýǵa respýblıkalyq bıýdjetten 7 mlrd. teńge, al «Nur­ly Jol» baǵdarlamasy aıasyn­da Ulttyq qordan qosymsha 6 mlrd. teńge bólinip otyr»,  dedi Á.Isekeshev. Onyń aıtýyn­sha, osynyń ózi baǵdarlama aıasyndaǵy jumystardy bıyldyń ózinde jalǵastyrýǵa múmkindik beredi. Budan bólek, qazirgi tańda geologııalyq barlaý sektoryna sheteldik ınvestorlar tartý da ózekti másele bolyp tabylady. Mınıstrdiń sózine qaraǵanda, geologııa men taý-ken óndirý salasyna ınvestısııalar tartý baǵytynda Qazaqstan Kanada, Avstralııa, Brazılııa, Ońtústik Afrıka Respýblıkasy sekildi elderden aıtarlyqtaı artta qalyp otyr. «Sondyqtan da, Elbasynyń tapsyrmasyna sáıkes, búgingi kúni aýqymdy jumystar atqarylýda. Zańnamalarǵa ózgerister engizilip, prosedýralar jaqsaryp jatyr», dedi Á.Isekeshev. Atalmysh mereke bıyl tór­tinshi ret resmı túrde ata­lyp ótilýde. Bul 2011 jyldyń qazanynda Qazaqstan Res­pýb­lıkasynyń Prezıdenti N.Na­zar­baevtyń Jarlyǵymen elimizdegi kásibı jáne basqa da merekeler tiziminiń jańa redaksııasymen bekitilgen bolatyn. Mine, sodan beri sáýir aıynyń alǵashqy aptasy da geologtar úshin aıryqsha kezeń. Sońǵy birneshe jylda geo­logııa jáne jer qoınaýyn paı­dalaný salasynda eleýli ózgerister baıqalady. Aıtalyq, mıneraldy-shıkizat keshenin basqarý júıesin ózgertý, salada ınvestısııalyq ahýaldy jaqsartý úshin jaǵdaılar jasaý, ozyq tehnologııalar transferti, ınfraqurylymdardy damytý jáne sala jumystarynyń kásibı deńgeıin kóterý boıynsha reformalar bastaldy. Al bul jańǵyrý, jańarý, damý dańǵylynda  árqashan adam eńbeginiń úlesi, adam eńbeginiń kúshi orasan mańyzdy ról atqaratyny anyq. Qaı sala bolmasyn qajyrly adam eńbeginiń arqasynda ǵana ilgerileı túspek. Adamzat kez kelgen jumystyń, ár mamandyqtyń abyroıly ekendigin jáne de adamnyń óz jumysyna qanshalyqty jaýapkershilikpen qarap, qanshalyqty ynta-jiger­men jumys isteıtinine baılanys­ty bolatynyn árqashan moıyndap otyrǵan. Al eńbek, ásire­se, ár mamandyqtyń tól mereke­leri tusynda aıryqsha atalyp, eńbekteri elene túsedi. Iá, barlyq kásip ózdiginshe erekshe jáne mańyzdy. Ár kásiptiń óziniń jumys ereksheligi, óziniń qaıtalanbas tarıhy, óz qundylyǵy jáne óz ba­tyr­lary bar. Osy rette keshegi sal­tanatty jıynda da salanyń birqatar úzdikteri túrli nomına­sııalar boıynsha marapattal­dy. Máselen, 182 geologqa Al­ǵys hat, gramotalar men marapat­tar tabys etildi. 77 maman «Qazaq­stan Respýblıkasynyń qurmet­ti ken barlaýshysy», «Qazaq­stan Respýblıkasynyń ken bar­laý úzdigi» men «Qazaqstan Respýb­lıkasynyń ken oryndaryn alǵash ashýshy» nomınasııalary boıynsha marapattaldy. Dınara BITIKOVA, «Egemen Qazaqstan».