Depýtattardyń Dýmaǵa sapary

Májilis Tóraǵasynyń orynbasary Darıǵa Nazarbaeva bastaǵan parlamenttik delegasııa Reseı Federasııasyna saparmen bardy, dep habarlady Parlament Májilisiniń baspasóz qyzmeti. Sapar barysynda RF Memlekettik Dýmasynyń Tóraǵasy S.Naryshkınmen, RF Memlekettik Dýmasy Tóraǵasynyń birinshi orynbasary A.Jýkovpen, Bıýdjet jáne salyq jónindegi komıtet tóraǵasy A. Makarovpen, Jemqorlyqqa qarsy is-qımyl jáne qaýipsizdik jónindegi komıtet tóraǵasy I.Iаrovpen, sondaı-aq, Otandastarmen baılanys jáne eýrazııalyq ıntegrasııa, TMD isteri jónindegi komıtet tóraǵasy L.Slýskıımen kezdesti. Kezdesý maqsaty qarjy, salyq, bıýdjet salalaryndaǵy jańa qaýip-qaterlerge qarsy tájirıbe almasý, sondaı-aq, parlamentaralyq baılanystyń barynsha mańyzdy baǵyttary boıynsha ózara is-qımyldy odan ári tereńdetý boldy. Sonymen qatar, júzdesýde salyqtyq zańnamalardy jetildirý, Parlamenttiń Úkimetpen, basqa da memlekettik organdarmen birlesken is-qımyl tájirıbesi, qarjy salasyndaǵy qaýipterge qarsy kúsh biriktirý máselelerine aıryqsha nazar aýdaryldy. Qos tarap eki eldiń zańnamalyq organdary arasynda aqparattar almasý men zań shyǵarmashylyq qyzmetin úılestirý, ásirese, Eýrazııalyq ekonomıkalyq odaq qyzmetine keńinen toqtaldy. RF Memlekettik Dýmasynda qazaq­stan­dyq delegasııa Bıýdjet jáne salyq jónindegi komıtet jınalysyna qatysty. Kelissózder nátıjesinde parla­mentaralyq yntymaqtastyqty nyǵaıtý týraly kelisimderge qol jetkizildi. Sondaı-aq, búgin Vıse-spıker Darıǵa Nazarbaeva bastaǵan parlamenttik delegasııa Reseı Federasııasy Esep palatasynyń tóraıymy Tatıana Golıkovamen kezdesedi.