Mindetter aıqyndaldy

Keshe Premer-Mınıstrdiń orynbasary B.Saparbaevtyń tóraǵalyǵymen áleýmettik sala­daǵy keń aýqymdy máselelerdi talqylaý boıynsha selektorlyq májilis ótti. Oǵan qatysýshylar Otan qorǵaýshylar kúnin merekeleý boıynsha tujyrymdamanyń jobasyn jáne is-sharalar jos­paryn talqylady. Atalǵan qujattarda merekeni nasıhattaý, jastar arasynda patrıottyq sezimderdi kúsheıtýge qatysty is-sharalar aıqyndalǵan. Vı­se-premer memlekettik organ bas­shylarynyń nazaryn jospar­dyń ýaqtyly jáne sapaly oryndalýy qajettigine aýdardy. Sonymen qatar, májiliste ju­mysshylardyń eńbek qu­qyq­tarynyń saqtalýy jáne oǵan kepildigi men jalaqyny ýaqtyly berý máseleleri qarastyryldy. Oblys basshylarynyń qatysýymen ótken selektor barysynda eńbek­aqyny ýaqtyly tólemeı otyrǵan kásiporyndar naqty atalyp, jumysy talqyǵa tústi. B.Saparbaev múddeli mem­lekettik organdarǵa eńbekaqy jó­ninde bereshektikti joıý boıynsha  tıisti sharalardy qabyl­daýdy tapsyrdy. «Basty maqsat – áleýmettik shıe­lenisti týǵyzbaý, dedi Vıse-premer. Áleýmettik turaq­syz­dyqqa jol bermeý maqsatynda aldyn ala tıisti sharalar qabyldaý qajet. Osyǵan oraı memlekettik organdardyń basshylaryna oryn alýy múmkin keleńsiz jaǵdaılardy der kezinde sheshý maqsatynda apta saıyn qarastyrý tapsyryldy. Sondaı-aq, májiliste qyzyl­shaǵa qarsy júrgizilgen ekpeniń aralyq nátıjeleri talqylandy. Immýnızasııa nátıjesinde jaramsyz belgimen 396 adam jú­ginip, 264-i emhanaǵa túsken. Qa­zirgi tańda olardyń barlyǵy saýyqqan. Dárilik, medısınalyq jáne medtehnıkalyq quraldarǵa Ulttyq saraptama jasaý ortaly­ǵynyń aralyq nátıjelerine sáı­kes onyń quramynda aýytqý baı­qalmaǵan. Sońǵy saraptama 20 sáýirge deıin belgili bolyp, aldaǵy ýaqytta egý jumystaryn júrgizý qajettiligi aıqyndalady. B. Saparbaev: «20 sáýirge deıin biz barlyq sebepterdi anyqtap, qandaı aǵattyq ketkenin aıqyndap, aldaǵy ýaqytta sol qatelikterge boı aldyrmaýdy sheshýimiz qajet. Eger kináliler bolsa, olar  jazasyn alýy tıis», dedi. Sonymen qatar, májilis barysynda Aqmola oblysynyń Ka­­lachı jáne Batys Qazaqstan ob­ly­synyń Berezovka aýyl­dar­yndaǵy oryn alyp jatqan jaǵ­­daılar talqylandy. Jumys tobynyń jetekshisi, Ener­ge­­tıka vıse-mınıstri T.Ah­sambıev baıandaǵandaı, qazir­­gi tańda Kalachı aýylynda Ult­­tyq ıadrolyq ortalyqtyń bir top mamandary atalmysh óńir­diń ekologııalyq jaǵdaıyn zert­teý boıynsha jumysty jalǵas­tyrýda. Vıse-mınıstrdiń aıtýyn­sha Praga qalasynyń radıa­sııalyq qorǵaý Ulttyq ınstıtýty men Máskeý qalasynyń Fede­raldyq medısınalyq-bıologııa­lyq agenttigi júrgizgen sarapta­malardyń nátıjeleri kórsetkendeı Kalachı aýyly turǵyndarynyń radondyq sáýlelenýi men «uıqy sındromynyń» ózara qatysy joq. Májilis sońynda B.Saparbaev Kalachı jáne Berezovka aýyldarynda oryn alyp otyrǵan jaǵ­daılardy anyqtaý jumys­taryn jalǵastyrýdy jáne aýyl turǵyndaryna sapaly medı­sınalyq qyzmet kórsetý, ekolo­gııalyq ahýaldy únemi qadaǵalap otyrýdy tapsyrdy, dep habarlady Premer-Mınıstrdiń baspasóz qyzmeti.