Aq tilekter aǵyny

Elbasynyń baspasóz qyzmeti Qazaqstan Prezıdenti Nursultan Nazarbaevtyń týǵan kúnine baılanys­ty Úndistan Premer-mınıstri Narendra Modıdyń qut­tyq­taýy týraly habarlady. N.Modı Qazaqstannyń qalyptasýy men qarqyndy damýyndaǵy Nursultan Nazarbaevtyń kóshbasshylyǵyn atap ótken. «Úndistan eki el arasyndaǵy qarym-qatynasty nyǵaıtýǵa Sizdiń udaıy kórsetip kele jatqan qoldaýyńyzdy joǵary baǵalaıdy», – delingen jedelhatta. Úndistan Premer-mınıstri Qazaqstan Prezıdentimen Astanada ótetin aldaǵy kezdesýdi taǵatsyzdana tosýda ekenin aıtady. Sońynda N.Modı Nursultan Nazarbaevqa myqty densaýlyq, sarqylmas kúsh-qýat jáne tabys tiledi. Elbasynyń baspasóz qyzmeti Qazaqstan Respýblıkasy Pre­zıdenti Nursultan Nazar­baev­tyń týǵan kúnine baılanys­ty sheteldik memleketter men úki­met­ter basshylarynyń qut­tyq­­taýlary týraly habarlady. Armenııa Prezıdenti Serj Sargsıan óz quttyqtaýynda qazaq-armıan yqpaldastyǵy ekijaqty pishimde, sondaı-aq, halyqaralyq jáne óńirlik uıymdar men bir­les­tikter aıasynda Qazaqstan-Ar­menııa halyqtarynyń dostyǵy men ıgiligi úshin  aldaǵy ýaqytta da damı beretinine senim bildirgen. S.Sargsıan Memleket bas­shy­syna myqty densaýlyq, ba­qýat­tylyq jáne qyzmetine tabys tiledi. * * * Cheh Res­pýb­lıkasynyń Pre­zı­denti Mı­losh Zeman óz quttyq­taýynda Qazaqstan Prezıdentimen soń­ǵy jyldarda ótken kezdesýler eki el arasyndaǵy dostyq qarym-qaty­nastardy jáne ynty­maq­tas­tyqtyń túrli salalarynda qalyptasqan berik baılanystardy aıǵaqtaıtynyn aıtqan. Sondaı-aq, Chehııa Prezı­den­ti aldaǵy oqıǵalar eki­jaq­ty óza­ra yqpaldastyqty da­­my­­tý máselelerin talqylaý úshin qosymsha kezdesýlerge múm­kin­dik týdyratynyna senim bildiredi. Sońynda M.Zeman Nursultan Nazarbaevqa myqty densaýlyq jáne jaýapty qyzmetine tabys tiledi. * * * Ýkraına Prezıdenti Petr Poroshenko memleket qurý jolynda bizdiń eldiń sońǵy ondaǵan jyldarda qol jetkizgen túrli saladaǵy jetistikteri  Nursultan Nazarbaevtyń Qazaqstan Pre­zı­denti laýazymyndaǵy kópqyrly qyzmetimen ajyraǵysyz baılanysty ekenin atap ótken. «Dástúrli Ýkraına-Qazaqstan  dostyq qarym-qatynasyn te­reńdete túsýge baǵyttalǵan biz­diń syndarly dıalogymyzdyń bu­dan ári óristeýi ózara tıimdi jáne jan-jaqty yntymaqtastyqty Ýk­raına men Qazaqstannyń ıgi­ligi úshin jandandyra túsýge  septigin tıgizetinine senimdimin», – delingen jedelhatta. Sońynda P.Poroshenko Mem­leket basshysyna myqty densaý­lyq, sarqylmas kúsh-qýat, jemisti memlekettik qyzmetine jańa tabys, al dostas Qazaqstan halqyna ıgilik pen baq-bereke tiledi. * * * Japonııa Premer-mı­nıstri Sındzo Abe Nursul­tan Nazarbaevty týǵan kúni­men quttyqtap, onyń pármen­di basshylyǵymen Qazaq­stan kóptegen jyldar boıy óziniń halyqaralyq arena­daǵy bedelin arttyryp kele jatqanyn atap ótken. S.Abe Memleket basshysyna jáne Qa­zaq­­stan halqyna ıgilik pen baq-bereke tiledi. * * * Monako Knıazi II Alberdiń quttyq­taý­ynda eki el arasyndaǵy baılanystardy odan ári nyǵaı­týdyń mańyzdylyǵy aıtylǵan. «Mılandaǵy kórmede Qa­zaqstannyń ulttyq pavılo­nynda bolý meni óte jaqsy áserge bóledi, Astanada ótetin EKSPO-2017 dúnıejúzilik kórmesine Mona­ko Knıazdiginiń qatysýyn taǵatsyz­dana kútip júrmin», – delingen quttyqtaýda. * * * Oman Sultany Kabýs ben Saıd Nursultan Nazarbaevty týǵan kúni­men quttyqtap, oǵan baqyt jáne myqty densaýlyq tiledi, son­­­daı-aq, dostas Qazaqstan hal­qy­nyń odan ári ilgerileýi men ósip-órkendeýine nıettestigin bil­dirdi. *** Prezıdenttiń baspasóz qyzmeti Memleket basshysy Nursultan Nazarbaevtyń atyna onyń týǵan kúnine jáne Astana kúnine baılanysty kelip túsken quttyqtaýlar týraly habarlady. Memleket basshysy atyna Qazaqstannyń barlyq óńirinen jáne shetelderden qut­tyqtaý hattary men jedelhattary áli de kelip túsýde. Máselen, TMD Parlamentaralyq As­sambleıasy Keńesiniń bas hatshysy A.Sergeev, sondaı-aq, TMD PAA Keńe­si bas hatshysynyń orynbasary – Qazaq­stan Respýblıkasy Parlamentiniń TMD PAA jáne UQShU Parlamenttik Assam­bleıasyndaǵy ókili H.Bakenov Memleket basshysyn týǵan kúnimen quttyqtap, onyń ómiri óz eline jáne halqyna qaltqysyz qyzmet etýdiń jarqyn úlgisi ekenin aıtqan. «Áleýmettik-ekonomıkalyq, saıası jáne mádenı damýdaǵy eleýli tabys­tarmen, halyqaralyq arenadaǵy eldiń ornynyń nyǵaıýymen aıshyqtalǵan qazirgi Qazaqstan tarıhynyń tutas dáýiri Sizdiń esimińizben baılanysty. Siz árdaıym Dostastyq keńistigindegi ıntegrasııalyq úderisterdiń damýynyń, TMD-ǵa múshe memleketterdiń strategııalyq seriktestigi men odaqtastyq ózara yqpaldastyǵynyń tabandy jaqtaýshysy boldyńyz», – delingen hatta. Eýrazııalyq ekonomıkalyq komıs­sııanyń Energetıka jáne ınfraqurylym jónindegi mınıstri T.Mansurov Qazaqstan halqy óziniń ál-aýqaty men bolashaǵyn Kóshbasshysynyń jemisti qyzmetimen baılanystyratynyn atap ótken. «Sizdiń passıonarlyq erik-jigerińiz ben zor halyqaralyq bedelińiz mereıli jeńisi Eýrazııalyq ekonomıkalyq odaq­tyń qurylýy bolǵan búgingi eýrazııalyq ıntegrasııanyń tabysty damýyn qam­tamasyz etip otyr. Qajymas qyzmetińizge jańa da jarqyn jetistikter, uzaq ǵumyr men myqty densaýlyq, baqyt jáne baqýattylyq  tilegen shynaıy tilegimizdi qabyl alyńyz», – delingen hatta. Jyly lebizdi quttyqtaýyn Polshanyń burynǵy prezıdenti A.Kvasnevskıı de joldap, Memleket basshysynyń týǵan kúni men Astana kúniniń sáıkes kelýi Qazaqstannyń jańa tarıhy men tabystarynyń Nursultan Nazarbaev tulǵasymen ajyraǵysyz baılanysyn aıshyqtaıtynyn atap ótken. «Táýelsizdik deklarasııasy, mem­lekettiliktiń nyǵaıýy, jan-jaqty eko­no­mıkalyq damý, saıası jáne qoǵamdyq turaqtylyq Sizdiń prezıdenttigińizdiń fırmalyq belgisi bolyp sanalady. Kúrdeli halyqaralyq jaǵdaıda, ulttyq syn-qater jáne qaýipsizdik úshin qaýip kóp kezeńde bul degenińiz keremet jetistik. Eýropada jáne álemde sońǵy shırek ǵasyrda bolǵan tarıhı ózgeristerdiń deńgeıi men mańyzyn, sondaı-aq, ol ózgerister úshin múmkindik pen jaǵdaı týǵyzý isindegi Sizdiń eren eńbegińizdi túsinetin meniń elimde jáne Eýropanyń kóp elinde muny moıyndaıdy», – delingen hatta. Polshanyń eks-prezıdenti Nursultan Nazarbaevqa densaýlyq, tabys tilep, Qazaqstannyń barlyq halqynyń ósip-órkendeýi úshin budan ári de belsendi bola berýine nıettestik bildirdi. GFR-dyń burynǵy Prezıdenti H.Kıoller de Nursultan Nazarbaevty týǵan kúnimen quttyqtap, oǵan myqty densaýlyq jáne Memleket basshysynyń el ıgiligi úshin qabyldaıtyn barlyq sheshimderine danalyq tiledi. Nursultan Nazarbaevqa jáne barsha Qazaqstan halqyna óziniń eń izgi tilekterin Ulybrıtanııanyń burynǵy Premer-mınıstri T.Bler joldady. Reseı Federasııasy Bashqurtstan Respýblıkasynyń basshysy R.Hamıtovtyń quttyqtaýynda memlekettik qyzmettegi orasan mol tájirıbesi, basqarýshylyq daryny jáne halyqtyń ıgiligi jolyndaǵy jumysy Qazaqstan Prezıdentin laıyqty bedel men syı-qurmetke bólegenin aıtady. «Siz elderimiz ben óńirlerimizdiń stra­tegııalyq seriktestiginiń damýyna zor úles qosyp kelesiz. Qazaqstan men Bash­qurtstannyń kópqyrly ynty­maq­tastyǵy, halyqtarymyz arasyndaǵy baıyrǵy dostyq qarym-qatynas alda da qarqyndy jalǵasa beretinine senimdimin. Sizge shyn júrekten myqty densaýlyq, belsendi jáne uzaq ǵumyr tileımin, Qazaqstan halqynyń ıgiligi úshin barlyq josparlaryńyz ben bastamalaryńyzdyń tabysty júzege asýyna tilektespin», – dep jazady avtor. Reseı Federasııasy Penza oblysy gýber­natorynyń mindetin atqarýshy I.Be­lo­zersev Memleket basshysynyń jemisti jumysy Otanǵa qyzmet etýdiń jarqyn úlgisi ekenin aıtady. «Sizge tán joǵary kásipqoılyq, tereń bilim, keremet uıymdastyrýshylyq daryn, baı saıası tájirıbe respýblıkanyń áleýmettik-ekonomıkalyq áleýetin qar­qyndy damytýǵa, azamattarynyń ál-aýqatyn arttyrýǵa septigin tıgizip keledi. Sizge myqty densaýlyq, baqýattylyq, baqyt, barlyq isińiz ben bastamalaryńyzǵa jańa tabys tileımin», – delingen qut­tyq­taýda. TMD-nyń Ekonomıkalyq damý iskerlik ortalyǵynyń bas dırektory V.Savchenko Nursultan Nazarbaevtyń ǵalamat ómirlik tájirıbesi men danalyǵy egemen memleket quryp, Qazaqstandy XXI ǵasyrda ósip-órkendeý jolyna batyl bastaýǵa múmkindik bergenin aıtqan. «Siz istegen isińizdiń barlyǵynda kemeldikke umtylasyz. Sizdiń boıyńyz Uly dalany álemdik damýdyń qýatty ortalyǵyna aınaldyryp kele jatqan energııaǵa toly», – dep jazady avtor. AQSh-tyń Qazaqstandaǵy Tótenshe jáne ókiletti elshisi D.Krol Astananyń qalyptasýy men damýy Nursultan Nazarbaevtyń kóregen jáne syndarly saıasatynyń, eldiń ıgiligi jolyndaǵy qyzmetiniń nátıjesi ekenin atap ótken. Qazaqstannyń Serbııadaǵy qurmetti konsýly M.Karıch Nursultan Nazarbaev óziniń naǵyz patrıotızmi, sheber basshylyǵy arqyly Qazaqstannyń memlekettiligi men halqynyń tarıhynda eleýli iz qaldyrǵanyna toqtalyp ótken. «Prezıdent laýazymyndaǵy qyzmetińiz ben sońǵy saılaýdaǵy aıqyn jeńisińiz halyqtyń Sizdi qanshalyqty jaqsy kóretinin jáne Sizge qanshalyqty senetinin aıǵaqtaıdy», – delingen jedelhatta. M.V.Lomonosov atyndaǵy MMÝ-diń qazaqstandyq fılıalynyń dırektory A.Sıdorovıch búkil ujymnyń atynan Nursultan Nazarbaevty týǵan kúnimen quttyqtap, myqty densaýlyq, baqyt tiledi jáne jańa ıdeıalarynyń júzege asýyna nıettestik bildirdi. «Sizdiń kórnekti qyzmetińizdi búkil álem moıyndaıdy, Reseı men Qazaqstan halqy joǵary baǵalaıdy. Sizdiń esimińiz ben isińizge Máskeý ýnıversıtetiniń ujymy erekshe qurmetpen qaraıdy. MMÝ-diń qazaqstandyq fılıalyna zor mártebe buıyrdy – ol Sizdiń bastamańyzben quryldy jáne únemi qamqorlyǵyńyzdy sezinip keledi. MMÝ-diń qazaqstandyq fılıalynyń ujymy jáne túlekteri arqyly Sizdiń ıgi isterińiz ben áreketterińiz eldiń ósip-órkendeý úshin eselene túsetinine jáne Sizdiń asqaq murattaryńyzdyń oryndalýyna qyzmet etetinine senýińizge bolady», – dep jazady avtor. О́zbekstannyń Qazaq ulttyq mádenı ortalyǵynyń ókilderi Nursultan Nazarbaevtyń basshylyǵymen bizdiń eldiń áleýmettik-ekonomıkalyq jáne mádenı-gýmanıtarlyq damýyna toqtalyp ótipti. Avtorlar, sondaı-aq, qýatty ekonomıka qurý úshin jaǵdaı jasaýǵa, memleketti odan ári damytýǵa baǵyttalǵan «Nurly Jol» baǵdarlamasyn júzege asyrýdyń mańyzdylyǵyna da nazar aýdarǵan. Jyly lebizdi tilekter balǵyn mektep oqýshylarynan – Pavlodar oblysynan T.Soltanǵazydan, Astana qalasynan A.Ahmetovadan, Aqtóbe qalasynan N.Nurǵalıev pen N.Nurǵalıdan, Jambyl oblysynan N.Amangeldiden kelip tústi. Memleket basshysyn óleń joldarymen Astana qalasynan A.Muqıbek pen G.Shıshov quttyqtady. О́z quttyqtaýlaryn Astana qalasynan B.Shalabaeva, B.Jumaǵulov, 1-shi synypty ushqysh-ınjener N.Aqmuqanov, R.Shyrdabaev, Shymkent qalasynan O.Kóshekbaev, sondaı-aq, Kókshetaý qalasynan bir top azamat joldap, Nursultan Nazarbaevqa myqty densaýlyq, baq-bereke jáne tabys tiledi. Memleket basshysy atyna hattar men jedelhattar áli de kelip túsip jatyr.