Túrkııada «Fenerbahche» komandasy otyrǵan avtobýs atqylandy

ASTANA. 5 sáýir. Túrkııanyń soltústik-batys qaptalyndaǵy avtojolda belgisiz bireýler «Fenerbahche» fýtbol komandasynyń  oıynshylaryn (sýrette: aqshyl jeıdeli) alyp bara jatqan avtobýsqa qarýly shabýyl jasady. Bul týraly jeksenbi, 5 sáýir kúni túriktiń Sabah basylymynyń deregine súıengen Lenta.Ru habarlady. Insıdent senbi kúni Rıza provınsııasynda oryn alǵan. Ystambul klýby sol kezde Trabzon qalasynyń aeroportyna bara jatqan. Munyń aldynda Trabzonda Túrkııa chempıonaty joǵary lıgasynyń sheńberinde jergilikti «Trabzonspor» komandasy «Fenerbahcheni» qabyldap, 1:5 esebimen oısyraı utylyp qalǵan. Atystyń saldarynan kóliktiń júrgizýshisi aýyr jaraqat alyp, aýrýhanaǵa jatqyzyldy. Aldyn ala málimet boıynsha, fýtbolshylar arasynda zardap shekkender joq. «Fenerbahche» klýby – 1899 jyly qurylǵan eldegi eń baıyrǵy komandalardyń biri. Sońǵy kezderi komanda sátsizdik shyrmaýynan shyǵa almaı keledi. 2012 jyly kelisip ótkizgen matchtary aıǵaqtalyp qalǵannan keıin ol Chempıondar lıgasynan shyǵarylyp tastaldy. Tipti ony tómengi lıgaǵa túsirip tastaý týraly da bastama kóterildi. Biraq eldiń fýtbol federasııasy buǵan barǵan joq. Damır Qojamqul. Mánbe, sýret: Lenta.Ru.