• 06 Qańtar, 2016

«Jaqsy kórsetkish. Bul – eldiktiń belgisi»

545 ret

kórsetildi

9 mın

oqý úshin

Egemen Qazaqstan

Gazetimizdiń bıylǵy jylǵy birinshi nómirinde «210 932!» degen taqyryppen jarııalanǵan kirispe ispettes maqalanyń izin ınternet-saıt arqyly qýalap jetken kommentter avtorlarynyń biri oıyn tap osylaı: «Jaqsy kórsetkish. Bul – eldiktiń belgisi!» dep bildiripti. Kórnekilep kórsetilgen osy aıshyqty kórsetkishke baılanysty bizdiń de tujyrymymyz osyndaı. Sondyqtan osy mátindi taqyrypqa shyǵardyq. Bul jerde «kórsetkish» dep otyrǵanymyzdyń nendeı nárse ekenin osy maqaladan habary bar oqyrman birden bile qoıǵan shyǵar degen oıdamyz. Áńgime gazetimizdiń bıylǵy jylǵy taralym sany jóninde bolyp otyr. Iá, «Egemen Qazaqstan» 2016 jyldyń 1 qańtarynan bastap 210 932 dana tırajben tarala bastady. Bul – bizdiń elimizdiń gazetteri tarıhynda buryn-sońdy bolmaǵan joǵary kórsetkish. Eki júz myńdyq mejege 2011 jyly jetken elimizdiń bas basylymy sodan beri taralym sanyn jyl saıyn satylap ósirýmen keledi. Al bıyl ol, tipti, kúrt kóterilip, 210 myńnyń ústine bir-aq shyqty. Álbette, munda gazetimizdi jazdyryp alý dástúrinen aınymaǵan, sonymen birge, qatary udaıy tolyǵyp otyrǵan oqyrman qaýymnyń eńbegi orasan zor. Osynyń ózi, rasynda, bizdiń eldigimizdiń bir kórinisi tárizdi. Mundaı rýhanı jetistikke bereke-birligi jarasqan, tatý-tátti elde ómir súrip jatqan halyq qana jete alsa kerek. Atalǵan maqalaǵa pikir qosýshylar muny da laıyqty baǵalaı bilipti. Oqyrmandar talqysynan elimizdiń ár aımaǵyndaǵy baspahanalarda gazettiń qanshalyqty mólsherde basylyp shyǵatyny da tys qalmapty. Kerek deseńiz, osynyń ózi de shyn janashyrlyqty tanytady. Sondyqtan buǵan da súısine qaraǵanymyzdy jasyra almaımyz. Al biz óz tarapymyzdan sizderdiń súıikti basylymdaryńyzdy burynǵydan da tartymdy, tanymdy, taǵylymdy, oqylymdy ete túsý jolynda qalam qaıratyn aıap qalmaıtynymyzdy jetkizgimiz keledi. Endi oqyrmandarymyzdyń maqalamen tanysa sala, jópeldemede jazyp jóneltken jedel pikirlerine kezek bereıik. Jýrnalıst Tamasha tabys. Qurmet «Egemen» qazaq gazetteriniń ishinde ózgelermen terezesi teń bıikke kóterilip otyr. Qazaq eliniń patrıottary úshin jańa jylǵa súıinshili jańalyq. Batyrhan Basylym bekerden-beker «El gazeti «Egemen» degen ataqqa ıe bolyp otyrǵan joq. Qashannan sabyrly da salıqaly pikirimen halyqtyń seniminen shyǵyp keledi. Raýan Qashanda halyqqa jaǵymdy jańalyǵymen tanylǵan gazet. Eldi jaqsy kúnderden úmittendirip otyrady. Sondyqtan, halyq ta jaqsy kóredi. Gúlzıra Eldegi jaǵymdy jańalyqtardy halyqqa jedel jarııalap otyrady. Qara aspandy tóndirmeıdi, sonysy bárinen jaqsy. Jahanger Bul kórsetkish elimizdiń bas gazeti – «Egemen Qazaqstannyń» bıik bedelin aıǵaqtaıdy. Jaqynda ǵana redaksııa janynan jańa ǵımarat turǵyzylyp, jýrnalıster tolyq baspanamen qamtyldy. Eldiń áleýmettik, saıası, ekonomıkalyq, rýhanı máseleleri jóninde tereńnen oı tolǵap, el senimin qashanda aqtap júrgen bas basylymnyń otandyq BAQ-qa úlgi bolar tustary jeterlik. Oqyrmandaryńyz budan da arta tússin degim keledi. Darıǵa О́te tamasha tabys. Qansha jerden ákimshilik resýrsy qosyldy degenmen, mynadaı tabysqa jetý úshin de gazettiń oqylymdylyǵy kerek. Al aýyl-aımaqtarda, mektepter men mádenıet mekemeleriniń qalaı degende de «Egemen Qazaqstansyz» kúni joq. Olar ózderine kerekti saıası-tarıhı aqparattyń denin osy basylymnan alady. Qaırat, Ońtústik Qazaqstan «Egemenniń» «etjeńdi» nómirin súıip oqımyn. Onda tarıhı, rýhanı, tanymdyq, ádebı, quqyqtyq taqyryptarda jazylǵan keremet maqalalar jarııalanady. Gazet betterinen ózge birde-bir baspasóz quraldarynda kezdespeıtin tyń materıaldardy kezdestirýge bolady. Odan ári damyp, órkendeýlerińizge tilektespin. Omar Qurmet, qatelespeńiz, «Egemen» ózgelermen «terezesi teń bıikke kóterilip» otyrǵan joq. Ol baıaǵydan qazaq gazetteriniń flagmany, kósh bastaýshysy, al basqa basylymdar onyń jetken bıiginiń jartysynyń jartysyna da jetken joq. Adam sózdi durys qurastyra bilýi kerek, oıdy durys, ashyq aıta alýy kerek. Lıza Jaqsy eken. Mańǵystaý oblysynykin de az kórip otyrmyn. 500 myń halyqpen, kóbisi qazaq bola tura, 7 myńǵa da jetpeıdi. Rınat Qazaq baspasóziniń jetistigi. Jazar kóbeısin! Maǵjan Úlken tabys! El gazeti oqyrmandardan laıyqty baǵasyn alyp otyr. Ǵanı Gazettiń «etjeńdi» nómirleri qyzyqty oqylady. Kúndelikti sandary da jaqsy, oqylymdy bolyp shyǵyp jatyr. Maqsat Jaqsy kórsetkish. Bul – eldiktiń belgisi. El ekenbiz, aǵaıyn! Qostanaılyq Qutty bolsyn jańa tıraj! Qostanaıǵa qatysty. Mundaǵy demografııalyq jaǵdaıdy jáne qalyptasyp qalǵan mentalıtetti eskerińiz, sonda bizdiń ońtústik qazaqtarynan kem patrıot emes ekenimizdi biletin bolasyzdar! Turar Shyny kerek, «Egemen Qazaqstan» gazetin oqyp otyryp, elde bolyp jatqan jańalyqtarǵa meılinshe qanyq bolasyń. Táýelsiz elimizdiń kúnnen kúnge qaryshtap, damyp jatqanyn osy gazetimiz alǵash bolyp habarlap jatady. Endigi bir ótinish: ekonomıkalyq daǵdarys Uly Dala eline qanshalyqty keri áserin tıgizip jatqanyn egjeı-tegjeıli jazsańyzdar eken. Qansha degenmen, qýanysh pen qaıǵynyń qatar júrýi zańdylyq qoı. Aıqyn «Egemen Qazaqstan» qanshama izgi tulǵalar qyzmet etip ketken halqymyzdyń tarıhı gazetteriniń biri. Aıqyn Jasa, Qazaq eli! Elimniń qýanyshyn qur jibermeı, halqymnyń mereıin asyryp turǵan bas gazetimiz! Árbir sanyn jibermeı oqyp júremin. Esbol «Egemenniń» ujymyn baǵyndyrǵan jańa belesterimen quttyqtaımyn. Eńbekterińiz jansyn! «Anaý – anadaı, mynaý – mynadaı» dep, jurtty úrkitip-qorqyta bergennen góri, halyqqa optımıstik pikir qalyptastyryp, alǵa jeteleıtin gazet dep bilemin men muny. Qatparly tarıhy bar, elimizdiń aıtýly tulǵalary jumys jasaǵan aǵa gazettiń qazirgi ujymy da osal emes. Bárin oqyp-bilip júrmiz. Alda da gazet jumysyna sáttilik, jýrnalısterge tabys tileımin. Jańa jyldy jaqsy tabyspen bastadyńyzdar, jalǵasyn taba bersin! Yqylas Ýnıversıtette oqyp júrgenimde «Egemen Qazaqstan» gazetin izdep qınalmaıtynmyn. Tırajy da az emes. Aldaǵy ýaqytta Japonııanyń kúnine úsh mezgil shyǵatyn gazetteriniń dárejesine jetsin dep tileımin! Asylan Eki júz myńnan astam taralymy bar gazettiń el aldyndaǵy bedeli bárimizge belgili. Qaryshtap damyǵan ústine damı bersin dep tileımin! Qasym, Shymkent Farıdat durys aıtady, Qostanaı sekildi burynǵy eki oblystyń basyn qosyp otyrǵan aımaq úshin myna kórsetkish áli de tómen. Bul oblysta burynǵy ákimniń kezinde qazaq tiline tipti de mán berilgen joq, ol ekinshi ne úshinshi planǵa yǵysyp ketti. Bosaǵadan syǵalap qaraıtyn kúnge jetti. Munyń bári sonyń salqyny bolsa kerek. Safýra, Astana Men ózimniń týǵan Qyzylordamnyń osynaý uly kóshte Ońtústik Qazaqstannan keıin ekinshi bolyp kele jatqanyna qatty razymyn. Qazaǵynyń sany jaǵynan ol Shymkentten úsh ese kem. Sol sııaqty, qazaqtary sany boıynsha Shyǵys Qazaqstan, Jambyl, Almaty, Aqtóbe sekildi oblystardan da keıin. Biraq myna kórsetkishi olardan áldeqaıda kóp. Tántimin saǵan, Syr óńiri! Sálimgereı, Atyraý oblysy Gazettiń tabysyna súısinip otyrmyz. Bul, shynynda da, zor tabys. Onda gazet jýrnalısteriniń ınemen qudyq qazǵandaı aýyr beınetteri jatyr. Al, onyń bir zeıneti osy – tolaǵaı taralym. Almas О́mirbek Tamasha kórsetkish eken. Gazettiń búkil qyzmetkerleriniń, ásirese, menshikti tilshilerdiń eńbegi baǵalaýǵa turarlyq. Bizdiń Shyǵys Qazaqstan oblysy 12 myńǵa jetip jyǵylǵan eken. Jaqsy nátıje. Osy qarqynnan taımańyzdar. Eńbekterińiz jemisti bolsyn! Ásel, О́skemen qalasy Bir ǵasyrǵa taıaý tarıhy bar «Egemen Qazaqstan» gazeti — barsha qazaq qaýymy jumyla oqıtyn, azamattarymyzdyń durys qoǵamdyq sanasyn qalyptastyryp otyrǵan gazet. «Egemen Qazaqstandy» ýnıversıtetimizdiń kitaphanasynan, oblystyq kitaphanamyzdan, resmı saıttan oqyp otyramyz. Materıaldary mazmun jaǵynan da, jýrnalısterdiń tildi qoldaný sheberligi men stıli jaǵynan da bıik deńgeıde. Dúnıetanymymdy keńeıtip, árdaıym aqparatpen qarýlanyp júremin degen oqyrman úshin ǵana emes, jazý mashyǵyn qalyptastyramyn, úlgi qylamyn degen jas qalamger úshin bir ózi bir mektep. Janar Pavlodar orys tildi aımaq bolsa da kóp tıraj jasapty. О́ńirlerdegi jýrnalısterdiń eńbegi eren. Aýyr jumysty er azamattarmen birdeı kóterip júrgen qyzdaryń qaıratty eken, «Egemen»!