Kútpegen syı

balalar aýylynyń tárbıelenýshilerin úlken qýanyshqa bóledi

«Qazposhta» AQ uıym­das­tyr­ǵan «Aıaz Ataǵa hat jaz» aksııa­syna Soltústik Qazaqstan oblysynan 167 búldirshin úlken belsendilikpen qatysty. Olardyń arasynda Petropavl balalar aýylynyń tárbıelenýshileri de bar. Búginde munda 7 men 18 jas aralyǵyndaǵy 51 jetkinshek turady. Deni jetimdiktiń aýyr zardabyn erte tartqan sa­natqa jatady. Solardyń biri Vıktorııa Golýbsova otbasylyq úlgidegi úıge Ǵ.Músirepov aýdanynan 2008 jyly kelgen. Sheshesi qaıtys bolǵan, ákesi aýrýshań. Sodan beri ananyń jyly qushaǵyn, aıaly alaqanyn «aq mama» atanyp ketken Botagóz Amantaıqyzy meıirlene tógip, ózge taǵdyrlastarymen birge úıde de, túzde de juptaryn jazbaı keledi. О́tken jyldyń jeltoqsan aıynda «Aıaz Ataǵa hat jaz» jobasy bastalǵanda osyndaǵy 41 tárbıelenýshi júrek túkpirinen shyqqan jyly lebizderi men aq armandaryn Nursultan atalaryna joldaǵan. Solardyń qatarynda jazýy marjandaı Vıktorııa da saýsaqtary maıy­sa otyryp aqjarma tilegin aq qaǵazǵa túsirgen. Barsha balalar atynan Jańa jylmen quttyqtaǵan. Zor densaýlyq tilegen. Hatyn mýzykalyq orta­lyǵymyz eskirdi, jańasy bolsa degen tilekpen aıaqtaǵan. Oıyn balasy emes pe. Umytylyp ketken. Kútpegen sálemde jetkende abdyrap, sasyp qalǵan. Sóıtse, Prezıdent onyń tilegi boıynsha mýzykalyq ortalyq pen qazaq jazýshylarynyń shyǵarmalar jınaǵyn arnaıy tartý etken. Jaqsy oqýǵa úndegen. – Internat 2001 jyly «Bó­bek» qaıyrymdylyq qory­nyń bas­tamasymen qurylǵan bo­la­tyn. Bastapqyda 4 úı edi. Byltyr aımaq basshysy Erik Sultanovtyń qoldaýymen taǵy eki úı turǵyzylyp, keńeıtildi. Munda balalar úshin barlyq jaǵdaı jasalǵan. El azamattary demeýshilik qoldaý kórsetip turady. Byltyr 2,5 mıllıon teń­gege kıim-keshek áperildi. De­sek te Jańa jyl aldyndaǵy Elbasy sálemdemesiniń jóni múldem bólek. Bul qoldaý tárbıe­lenýshilerdi jaqsy oqýǵa, úlgili, tártipti bolýǵa jeteleıdi, – dedi sóıleskenimizde balalar aýy­lynyń dırektory Arystan Ákimjanov. Sóz arasynda el Táýelsizdigi merekesi qarsańynda Arystan Myrzahmetulynyń Qazaqstan Prezıdentiniń Qurmet gramota­sy­men marapattalǵanyn aıta ketken jón. Bul mekemede úlgi bolarlyq bastamalar az emes degen sóz. Basqa qatarlastary sııaqty Vıktorııanyń da basty armany – joǵary bilim alý, Qazaqstannyń jaqsy azamaty bolyp ósý. О́mir ESQALI, «Egemen Qazaqstan». Soltústik Qazaqstan oblysy.