Bilik pen bilim ushtasqan jerde

Qazaqstannyń daǵ­darysqa qarsy múm­kin­dikteri mol ekenin biz sııaqty zeınetkerler de aıqyn sezinip otyr. Elbasy respýb­lıka jurtshylyǵyna arnaǵan Joldaýynda atap ótkendeı, Táýelsizdiktiń qa­lyp­tasýynyń eń qıyn kezeń­de­rinde qabyldanǵan strategııalyq sheshimder men is-qımyldar búgingi kúni oń sıpatty mánge ıe bolǵanyn ańǵarý qıyn emes. Sol sebepti ekonomıkalyq qıyndyqtardy eńserýdiń jáne qurylymdyq jańarýlardyń bes baǵyty ishinde jańa áleýmettik saıasatqa erekshe ekpin túsirilýin zańdy qubylysqa baǵalaǵan jón bolar edi. О́ıtkeni, Prezıdentimizdiń belsendi qoldaýy arqasynda serpindi ekonomıkalyq ósimge qol jetip, adamdardyń ómir sapasy ilgeriledi. Búginde memlekettiń 1,5 mıllıon turǵyndy járdemaqy jáne tólemdermen qamtamasyz etip otyrǵanyn aıtsaq ta jetkilikti. Endi, mine, jan-jaqtan qyspaqqa alǵan álemdik daǵdarystarǵa qaramastan, áleýmettik qoldaý sharalarynyń dáıektilikpen jal­ǵas­tyrylýy halyq aldyndaǵy áleýmettik mindettemelerdiń sóz­siz oryndalatynyn, er­teń­gi kún úshin esh­qan­daı alańdaýǵa ne­giz joq ekendigin kórset­se kerek. Mundaı qa­rym­­dy qadamdar bıýd­jet­­­tik shyǵyndardy ońtaı­lan­­dyr­ǵan­nan keıin eńbekaqy, áleý­met­tik járdemaqy úshin qar­jy tabý arqyly múmkin bolǵanyn jurtshylyq jaqsy túsinip, boılaryndaǵy barlyq kúsh-jigerlerin ortaq maqsatqa jumyldyratynyna senimdimin. Elimizde eńbek ete alatyndarǵa jan-jaqty memlekettik qoldaý týdyrylǵanyn jańa túzetýlermen qabyldanǵan Eńbek kodeksi baptarynan da tabýǵa bolady. Endi jańa zań boıynsha jumys berýshi kásibı sheberligi joǵary, belsendi, bastamashyl zeınetker qyzmetkerlerdiń ujymda qalyp, eńbek etýin attaı qalap alary sózsiz. Munyń ózi adam kapıtalyn damytý ekenin aıǵaqtaıdy. Bizdiń ujymda 100-ge jýyq adam qyzmet etedi. Bala kútýshi, aýla tazalaýshy, ot jaǵýshy sekildi zeınetinen beıneti basym ári jalaqysy az jumystarǵa jastar kele bermeıdi. Sondyqtan bul sanattaǵy zeınetkerler zeınetaqysynyń kóbeıgenin áleýmettik jaǵynan álsiz qorǵalǵan jikterge jasalǵan qamqorlyq retinde túsinip, qanaǵattanǵandyq sezimmen qarsy aldy. Olardyń da bilim men biliktilikti ushtastyryp, aıanyp qalmasy anyq. Men ujymdaǵy jas zeınetkerlerdiń birimin. Kórshiles «Alenýshka» balabaqshasynyń meńgerýshisi Lıýbov Zaıseva da menimen qatarlas zeınetke shyqty. Alaıda, qalalyq bilim bóliminiń basshylyǵy jumys isteý merzimderimizdi uzartýǵa sheshim qabyldady. Shamasy, bilim berý júıesindegi kóp jylǵy tájirıbemiz eskerilgen bolý kerek. 12 jyldyq oqytýǵa kóshý jaǵdaıynda memlekettik, orys jáne aǵylshyn tilderin mektepke deıingi jastan bastap meńgertý jalpy bilim berýdiń ajyramas bóligi ekeni málim. Balabaqshanyń pedagogıkalyq ujymyndaǵy zeınetkerler de jasalyp otyrǵan jaqsylyqtyń qarymy retinde balǵyndardyń tárbıesin, otbasynyń áleýmettik rólin arttyrý baǵytynda tynbaı eńbek ete bereri sózsiz. Altyn SEIITOVA, «Aq bota» bóbek­-jaı-baqshasynyń dırektory. PETROPAVL.