Kóbeıgen shákirtaqy shattandyrdy

Jyl saıyn elimizde myńdaǵan bilim granttary bólinedi. Bul – bizder úshin joǵary bilimdi tegin alýdyń múmkindigi ǵana emes, úlken járdem. Sonyń ishinde bıylǵy jańa jyl bizder úshin jaqsy jańalyqtarmen bastalǵaly tur. Elbasymyzdyń pármenimen stıpendııamyz 25 paıyzǵa kó­beıdi. Qazirgideı jaǵdaıda mu­nyń áli jalaqy almaıtyn jas­tar úshin kómegi ólsheýsiz. Mem­le­ketimiz tarapynan osyndaı múmkindikter júzege asyrylyp, stýdentterdiń talpynysyn eskerip, jaǵdaılaryn jaqsartyp kele jatqanyna alǵys aıtamyz. О́z basym bilim grantyna ıe bolyp, búginde Almaty qalasyndaǵy Abylaı han atyndaǵy Halyq­aralyq qatynastar jáne álem til­deri ýnıversıtetinde jýrna­lıstıka mamandyǵy boıynsha magıstrlik dárejesinde bilim alyp júrgenime ózimdi baqyttymyn dep esepteımin. Oǵan qosa ýnıversıtet rektory Sálıma Qunanbaeva da stýdentterge kóp múmkindikter jasaýda. Aýdarma jáne fılologııa fakýltetiniń 4-kýrs stýdenti Jansaıa Ospanǵalıǵa ýnıversıtettiń qoǵamdyq jáne mádenı ómirine belsendi qatys­qany jáne úzdik oqyǵany úshin oǵan jańa oqý jylynan bastap jyl aıaǵyna deıin 24 myń teńge kóleminde Ǵ.Músirepov atyndaǵy shákirtaqy taǵaıyndady. Halyqaralyq kommýnıkasııa menedjmenti fakýltetiniń «Jýr­na­lıstıka» mamandyǵynyń aqyly bóliminde úzdik oqıtyn 3-kýrs stýdenti Valentına Bespalova da A.Pýshkın atyndaǵy shákirtaqyǵa ıe boldy. Ýnıversıtetimizdiń shákirtaqy taǵaıyndaý erejelerine sáıkes úzdik sabaq úlgerimi jáne ýnı­versıtettiń qoǵamdyq, mádenı ómirine belsendi qatysqandary úshin 43 stýdent 1 qyrkúıekten bastap 16 759 teńge mólsherinde «Abylaı han atyndaǵy QazHQ jáne ÁTÝ» AQ shákirtaqy alyp júr. Sonymen qatar, ýnıver­sı­tettiń magıstrant, doktorant dárejesindegi bilim alýshylary úshin de memleket tarapynan berilgen múmkindikter az emes. Tegin bilim alýmen qatar, shet memleketterge shyǵyp, túrli kon­ferensııalarǵa qatysyp, shet tildi oqýlyqtarmen tanysyp, tájirıbe almasýǵa zor qoldaý kórsetip keledi. Aldaǵy ýaqytta oqý ozat­ta­rynyń sany artyp, elimizdi álemge tanytar bilimdi urpaq kóbeısin dep tileımiz. Adına ERQARAEVA, Abylaı han atyndaǵy QazHQ jáne ÁTÝ magıstranty. ALMATY.