11 mıllıard teńge

ınfraqurylymdy jańǵyrtýǵa baǵyttalǵan ınvestısııa Eýropa qaıta qurý jáne damý banki shyǵys óńirinde quny 11 mlrd. teńgeni quraıtyn jobalardy júzege asyrady. Oblys ortalyǵynda ótken ekijaqty kezdesý barysynda óńir basshysy Danıal Ahmetov pen Eýropa qaıta qurý jáne damý bankiniń Orta­lyq Azııa jáne Reseı ınfra­­qu­rylymy boıynsha dırek­tory Ekaterına Mırosh­nık atalǵan nesıelik kelisimge qol qoıdy. Qol jetkizilgen kelisimshart­tarǵa sáıkes, Eýropa qaıta qurý jáne damý banki Semeı qala­­syn­daǵy «Semeı sý arnasy» jáne «Jy­lý­kommýnenergo» kásip­­oryn­­da­rynyń jobalaryn qarjy­­landyr­maq. Iаǵnı, Semeı qalasyn­­daǵy orta­lyq jylý jáne sý qubyr­lary júıeleri jańǵyrtylady. Bul jobalar boıynsha Qazaq­stan Respýb­lıkasynyń Úkime­ti de óz keze­gin­de «Nurly Jol» ınfra­qury­lym­dy damytý memlekettik baǵdar­la­masy aıasynda jeńil­detilgen qar­jylandyrý qarajatyn bóledi. Usynylǵan ınvestısııalar kásip­oryndarǵa ábden tozyǵy jet­ken jylý jáne sý qubyrlary jeli­lerin qaıta jóndeýge, sorǵy­ stansalaryn jańǵyrtýǵa baǵyttal­ǵan jumystardy júrgizýge múmkin­­dik beredi. Sondaı-aq, zamanaýı­ qu­ral-jabdyqtardy, avtomat­tan­dyrylǵan basqarý júıesin satyp alýǵa, ornatýǵa jáne jylý men sýdy tutyný esebin júrgize­tin qural­dardy ornatý baǵdarlama­syn jalǵastyrýǵa da jol ashady. Osy arqyly energııany tıimdi paıdalanýdy arttyrý, ekologııalyq talaptardy jaqsartý, resýrstardy tutynýdy ońtaılandyrý men shyǵyndardy azaıtýǵa qolaıly jaǵdaı qalyp­tastyrý kózdelip otyr. – Eýropa qaıta qurý jáne damý bankiniń negizgi basymdyqtarynyń biri tabıǵat resýrstary men energııa qýatyn tıimdi paıdalanýǵa baǵyttalǵan. Osy oraıda biz Qazaqstanmen «jasyl ekonomıka» jobasyn damytýda, sol sııaqty, Semeı qalasynda sýdy únemdeý men energııa tutynýdaǵy shyǵyndardy azaıtýǵa yqpal etetin jańǵyrtý jobalaryn júzege asyrýda tyǵyz jumys isteımiz, – dedi bank ókili Ekaterına Mıroshnık. Al oblys ákimi Danıal Ahme­tov Prezıdent Joldaýynda min­dettelgen mejelerdi júzege asyrý barysynda memleket-jekemenshik áriptestigin uıymdastyrýǵa, qarjy ınstıtýttaryn tartýǵa basymdyq beriletinin jetkizdi. Qazirgi kezde oblys ákimdigi Eýropa qaıta qurý jáne damý bankinen jalpy kólemi 171,1 mlrd. teńgeni quraıtyn qarajatty óńirdegi mańyzdy jobalarǵa tartý boıynsha belsendi jumys júrgizýde. Onyń ishinde О́skemen men Semeı qalalaryna tıesili 5 jobaǵa úlken nazar aýdarylyp otyr. Bul jobalardyń jalpy quny 16,9 mlrd. teńgege teń. Sonymen birge, 2016 jyldyń alǵashqy jartyjyldyǵynda О́skemen men Semeı qalalarynda energııa únemdeý úshin kóshe shamdaryn aýystyrýǵa arnalǵan jáne О́skemen qalasynda sýmen qamtý júıesin jańǵyrtý, sý tartýǵa baǵyttalǵan jalpy quny 5,9 mlrd. teńgeni quraıtyn taǵy 3 nesıelik kelisimge qol qoıylady. Dýman ANASh, «Egemen Qazaqstan». Shyǵys Qazaqstan oblysy.