Úmitimiz – jańasha oılaıtyn jańa Parlamentte

Búkil álemdegi, son­daı-aq, TMD men óz elimizdiń ishindegi sońǵy daǵdarys mem­leketimizdiń aldynda múldem tosyn máseleler týyn­datty. Búgingi qa­­lyp­tasqan osynaý saıa­­­sı-ekonomıkalyq ah­­ýaldyń azamattardy múldem basqasha, jańasha oılaýǵa ıtermeleýi zańdy qubylys. Bar jaıtqa jańasha kózqaraspen qaraýǵa týra keledi. Sol sebepten de qazirgi Parlament Májilisiniń zaman kóshine ilese alýy ekitalaı. Olardyń óz tarapynan usynys der kezinde tústi, Prezıdent der kezinde ony qabyl aldy dep oılaımyn. Endigi másele, meniń óz oıym – jańa saılanatyn Májiliske eń aldymen eldiń qamyn qazirgi ýaqyt turǵysynan oılaıtyn, namysyn jyrtatyn azamattar saılanýy tıis. Odan halyq ta, Úkimetimiz de utady. Al endi on­daı bolmaǵan jaǵdaıda jańa saı­­lanǵan Parlamenttiń ózi tyǵyryqqa tirelip qalary daýsyz. Qazirgi álemdik daǵdarystyń elimizge tıgizip otyrǵan bes batpan salmaǵy, onyń qıyndyqtary Qazaqstannyń qarapaıym tur­ǵyndarynan bastap tanymal saıa­satkerler men qoǵam qaırat­kerlerine deıin belgili bolyp qal­dy. Demek, qazaqstandyq ar­manǵa bastaıtyn Ult Josparyn jedeldetip júzege asyratyn ulttyq saıası reformalar qazirgi kúrdeli kezeńde óz jolyn tabýy úshin jańadan saılanǵan halyq qa­laý­lylaryna – Par­lament mú­shelerine ar­qa súıeıdi. Eko­no­mıkalyq reformalar jobasy da burynǵydan beter shıraı túsedi. Jańa Parlamentte jańa baǵytty tý etip ustaıtyn, joǵaryda aıtylǵan múddelerdi óz múddesinen joǵary ustap, alǵa qoıǵan 15 azamat bolsa jetip jatyr. Odan kóp bolsa, bári birdeı solaı oılasa, tipti – ıgi. Sonda Parlamentimizdiń atqaratyn qyz­meti de basqasha bolady, ýaqyt kóshinen bir qadam da qalmaıdy. Qazir budan 20-25 jyldaǵydaı emes, Qazaqstannyń eńsesi kó­terildi, kózdegen mártebesi de bıik. Dúnıejúziniń alpaýyt memleketterimen aralasymyz kúsheıdi, baılanysymyz ny­ǵaıdy. Sondyqtan da aldaǵy ýa­qytta memleketimiz álemdik tá­jirıbeniń eń durysyn tańdap, eń ozyǵyna ǵana moıyn burýy kerek. Táýelsiz Qazaqstan halqynyń – bárimizdiń armanymyzdyń ózi sol emes pe?  Seıdahmet QUTTYQADAM, «Mysl» jýrnalynyń bas redaktory, saıasattanýshy.  ALMATY.