Besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly
Qazaqstan Respýblıkasy Konstıtýsııasynyń 44-babynyń 2) tarmaqshasyna, 63-babynyń 1-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 85-babyna sáıkes qaýly etemin:
- Besinshi shaqyrylǵan Qazaqstan Respýblıkasy Parlamentiniń Májilisi taratylsyn.
- Partııalyq tizimder boıynsha saılanatyn Qazaqstan Respýblıkasy Parlamenti Májilisi depýtattarynyń kezekten tys saılaýy 2016 jylǵy 20 naýryzǵa taǵaıyndalsyn.
- Qazaqstan halqy Assambleıasy saılaıtyn Qazaqstan Respýblıkasy Parlamenti Májilisi depýtattarynyń kezekten tys saılaýy 2016 jylǵy 21 naýryzǵa taǵaıyndalsyn.
- Qazaqstan Respýblıkasy Ortalyq saılaý komıssııasy Qazaqstan Respýblıkasy Parlamenti Májilisi depýtattarynyń kezekten tys saılaýyn daıyndaýdy jáne ótkizýdi uıymdastyrsyn.
- Qazaqstan Respýblıkasynyń Úkimeti, Astana jáne Almaty qalalarynyń, oblystardyń ákimderi Qazaqstan Respýblıkasy Parlamenti Májilisi depýtattarynyń kezekten tys saılaýyn uıymdyq, materıaldyq-tehnıkalyq jáne qarjylyq qamtamasyz etý jónindegi barlyq qajetti sharalardy kidirissiz qabyldasyn.
- Osy Jarlyq jarııalanǵan kúninen bastap qoldanysqa engiziledi.
