Baq pen bap qatar shapty

О́tken seısenbide Qurlyqtyq hokkeı lıgasy sheńberinde Astananyń «Barysy» óz aıdynynda Mınskiniń «Dınamosyn» qabyldap, 4:2 esebimen basym tústi. Oıynnyń birinshi kezeńinde komandalar bir-birine laıyqty qarsylyq kórsetti. Alaıda, bul bólikte gol soǵylmady. Esesine, ekinshi kezeńde jankúıerler tórt goldyń kýási boldy. Kezeń bastala salysymen alǵa umtylǵan aıdyn ıeleri 21-mınýtta qorǵaýshy Kevın Dallmenniń kómegimen esep ashty. Arada 8 mınýt ótkende, «Barys» sapynan Maksım Hýdıakov mergendigimen kózge tústi. Qaqpalaryna eki shaıba jiberip alǵanyna qaramastan, qonaqtar shabýylda saýatty oınady. Nátı­jesinde 32-mınýtta dınamolyq hokkeıshi Pol Shehýra esep aıyr­masyn qysqartty. Áıtse de, bir­neshe sekýndtan keıin «Barys» qaıtadan eki shaıba aıyrmasymen alǵa shyqty. Bul joly Dastın Boıd nátıjeli soqqynyń avtory atandy. Sońǵy kezeńde, ıaǵnı, 44-mınýtta astanalyqtar taǵy bir shaıba soqty. Bul joly «Dınamonyń» qaqpasyn Brendon Bochenskı dál kózdedi. Al mınskilikter 49-mınýtta taǵy bir shaıbamen qarymta qaıtardy. Atalǵan gol Raıan Veskeniń enshi­sine jazyldy. Oıynnyń qalǵan ýaqytynda esep ózgergen joq. Osylaısha «Barys» maýsymdaǵy 26-jeńisine qol jetkizdi. Lıganyń turaqty chempıonatynyń aıaq­talýyna 8 týr qalǵan tusta Andreı Nazarovtyń shákirtteri 78 upaımen Shyǵys konferensııasynda 7-orynda keledi. Bizdiń komanda kelesi kezdesýin búgin Astanada Ombynyń «Avangardymen» ótkizedi. Elaman QOŃYR, «Egemen Qazaqstan».