Qardaǵy iz

Joǵalǵan adam tabyldy. Aýyl ákimdiginiń tez arada sheshim alyp, shuǵyl izdestirý jumysyn qolǵa alýy nátıjesinde qıyn jaǵdaıǵa jol berilmedi. Sholaqańqaty aýyldyq okrý­ginde oqys oqıǵa oryn aldy. Iаǵ­nı, naqtysyn aıtar bolsaq, qań­tar aıynyń 15-i kúni keshkilik Ańqaty eldi mekeniniń turǵyny, 1956 jyly týǵan azamat, ekinshi toptaǵy múgedek, júıkesi aýyratyn Va­lerıı Evgenevıch Nıkolaev úıinen shyǵyp ketkennen qaıtyp oralmaǵan. Bul habar aýyldyq okrýgtiń qyzmet­kerleriniń qulaǵyna kesh­kilik saǵat 18:30 shamasynda kelip jetti. Habarǵa ábden qanyǵyp alǵan Sholaqań­qaty aýyldyq ok­rýginiń ákimi Temir Aıt­qa­lıev ákimdiktiń bas mamany Maq­sot Jıen­ǵalıevti quramaǵa qosyp alyp, joǵalǵan adamdy izdestirý jumystaryna kirisip ketti. Aıta ketý kerek, ákimdiktiń bas mamany Maqsot Jıenǵalıevtiń bul izdestirý jumy­syna joǵalǵan adam V.Nıkolaevtyń zaıyby Vera Ivanovna men aýyl tur­ǵyny Tatıana Vologınany qosyp alǵandyǵy ábden jón bol­ǵan syńaıly. О́ıtkeni, sen­biniń erteńgilik izdestirý kezinde jo­ǵalǵan adamnyń zaıyby Vera Ivanovna kúıeýiniń aıaq kıi­miniń izderin tanyp, túsip qalǵan qolǵabynyń da kúıeýine tıesili ekendigin dáleldep, bul jumys túıininiń sheshilýine de kóp kómegin tıgize bildi. Sóıtip, júıke aýrýyna shal­dyqqan aýyl turǵyny V.Nı­kolaev 16 qańtar kúni tús kezinde Sholaqańqaty ózeni boıynan, aýyldan 6 shaqyrym jerden aman-esen tabyldy. Júıke aýrýyna ábden shyr­malǵan múge­dek jandy aýylǵa, otbasyna jetkizýde aýyl turǵyny Asqar Hasanov ta óziniń qarda jú­retin motorly shanasymen tez kelip, kómek qolyn soza bildi.  Músirbek Aıtashev.  Batys Qazaqstan oblysy, Syrym aýdany.