Polıseıler satyp alǵan kater quny – 958 myń 488 eýro

Atyraý oblystyq ishki ister departamentine arnaıy maqsattaǵy       FB 38STAB SF kateri 2013 jyly memlekettik satyp alý portalyndaǵy ashyq konkýrs nátıjesimen alynypty. Katerdiń jalpy quny 178 mln. 571 myń teńgeni (qosymsha qun salyǵynsyz) nemese 958 myń 488 eýrony (qosymsha qun salyǵyn qosqanda) quraǵan. Osyǵan oraı oblystyq ishki ister departamentiniń baspasóz qyzmeti tómendegi derekterdi habarlady. «Jetkizýshiniń aq­pa­raty boıynsha, katerdiń jalpy qunyna kelesi shy­ǵyndar kiredi: 95 myń eýro – qosalqy jabdyqtar: na­vıgasııalyq jabdyq, radar, Intercom júıesi, kemeni basqarýdyń (porttaǵy ma­­­­nevrler) ishki blogy, ka­terdiń artqy ja­ǵyn kór­setý kamerasy, qarý qoıa­tyn tuǵyr, katerdiń al­dyńǵy bóligindegi aınalatyn oryndyq; 25 myń eýro – Almatyǵa deıin jet­­kizý, saqtandyrýdy qosa eseptegende; 117 myń eý­ro – elge kirgizgendegi baj sa­lyǵy, 20% esepteý; 84 myń 240 eýro – ım­port­tyq 12% qosymsha qun sa­lyǵy. Osylaısha, ke­dendik rásimnen keıin k­aterdiń ózindik quny 786 myń 240 eýrony qurady, dıs­trıbıýtordyń marjasy – 20% (157 myń 248 eýro); 15 myń eýro – satyp alýdy qar­jylandyrý, banktiń aqsha aýdarý komıssııasy. Nátıjesinde Atyraý qa­la­synda kater baǵasy 958 myń 488 eýrony (sol kez­de­gi baǵammen 196 mln. 490 myń 40 teńge) qurady», de­­lingen Atyraý oblystyq ish­ki ister departamenti ta­­­­rat­­qan arnaıy habarlamada. Bul kater Kaspıı te­ńi­ziniń akvatorııasynda patrýldik-ınspek­sııalyq qyzmet atqarý úshin arnaıy jabdyqtarmen ja­raq­talǵan. Kater árqaı­sysynyń 500 at kúshi bar qos dızeldik qozǵaltqyshpen jaraqtalǵan. Jalpy qýaty, 1000 at kúshine teń. Ony bra­konerler «Shaıtan» dep ataıdy eken. Eń joǵary jyldamdyqpen júretin katermen «sý polısııasynyń» qyzmetkerleri zańsyz aınalymnan 166 tonna balyq, onyń ishinde, 5 tonna bekire tuqymdas balyq, sonymen birge, 200-ge jýyq júzý qu­raldary tárkilengeni aıtylady. Alaıda, katerdiń qaı elden tapsyryspen sa­typ alynǵany týraly málimet joq. Joldasbek ShО́PEǴUL, «Egemen Qazaqstan». ATYRAÝ.