Aqtaýdaǵy mas adamnyń músini

talaı jurttyń nazaryn aýdara bastady Aqtaýda jurttyń nazaryn ózine aýdaratyn erekshe «eskertkishter» jetkilikti. Olardyń deni túngi klýbtar men kóńil-kóterý ortalyqtarynyń mańyna ornalasqan. Qaladaǵy teńiz jaǵalaýynda orna­lasqan túngi klýbtardyń biriniń aldynda ishimdik qutysyn ustap, shatqaıaqtap turǵan mas er adamnyń sulbasy paıda boldy. Bul klýbqa kelýshilerge «ishimdikti shamadan tys qoldanǵan jaǵdaıda siz de syrt kózge, ortaǵa yńǵaı­syz qalypta kó­rinesiz» degendi ıshara etý úshin qoıylypty. Ishimdik ishýge qatysty eskertpeni eskertkish arqyly jetkizbek bolǵan­dardyń ıdeıasyn Aqtaýdaǵy taǵy bir kóńil-kóterý ortalyǵy tolyqtyra túsedi. Olar da tordyń ishine adam qań­qasyn qoıý arqyly óz oılaryn arhı­tektýralyq tilmen jetkizýge tyrysqan. Sondaı-aq, tordyń jo­ǵary jaǵyna «ol tólegen joq» de­gen jazý ilgen. Bul jazý men ar­­hıtektýralyq qańqadan jurt kó­ńil-kóterý oryndaryna kelgen demalýshylardyń ishinde tıisti tó­lemin tólemeı ketetinderdiń bolaty­nyn uǵynady. Aqtaýdaǵy «erekshe eskert­kish­­terdiń» qataryn balalardyń oıyn alańda­ryndaǵy kim nemese ne ekenin anyqtaý múmkin emes sulbalar da tolyqtyra túsedi. Alaı­da, muny budan birneshe jyl­­ buryn aǵashtan jonyp ja­salǵan beınelerdiń qazir ábden es­­kirip, jańbyr men jelden jáne ba­lalardyń oıyny áserinen tozyp, ózi­niń bastapqy keıpin joǵaltýymen túsin­dirýge bolady. Gúlaıym ShYNTEMIRQYZY, «Egemen Qazaqstan». Mańǵystaý oblysy.