О́limnen keıin ómir bar

AQSh ǵalymdary osyndaı naqty sheshimge keldi Amerıkadaǵy Soltústik Karolına ýnıversıtetiniń professory Robert Lans ólim degen nárseniń tabıǵatta joq ekenine uıyp otyr. Ol adam bul dúnıeden ketip, baqılyq bolǵanymen, onyń ómiri toq­tap qalmaıtynyn, tek basqa parallel álemge ketip qala­tynyn alǵa tartady. «Adam, din oılap tapqandaı, ju­maqqa nemese tozaqqa emes, tap osylaı parallel dúnıege ketedi», – dedi Lans. О́zekti jan ólgennen keıin osynda, ana jaqqa ketip bara jatyp «qaıta tiriledi». Oqymystynyń pikirinshe, adamnyń ómiri ósimdiktiń tirshilik etýine uqsas keledi. Ol da óskin sekildi aldymen solyp qala­dy, artynan qaıta kókteıdi. Budan týyndaıtyn qorytyndy bireý: ólim degen hıkaıanyń sońy emes, ol – sana tirshilik etýiniń jalǵasy. Aıtqandaı, ǵalymdar bizdiń sana-sezimimizdiń tipti de, adam mıynyń jemisi emes ekenin de dáleldep shyqty. Olar buǵan oılaýdyń osynaý asa mańyzdy organy joq adamdar da bar ekenin, biraq olardyń soǵan qaramastan, keremet tirshilik etip júrgenderin aıǵaq etedi. Professor Robert Lans bolsa, óziniń teo­rııasyn bıosentrızm kóz­qarasy turǵy­synan dáleldeıdi. Bylaısha aıtqanda, ol álemniń kúlli dininiń tini – adam janynyń ólmeıtini týraly qaǵıdattyń aqıqat eke­nine toqtalady. Budan buryn osyndaı parallel álem bar ekeni, ólgennen keıin bizdiń sanamyzdyń solaı qaraı kóshetini týraly ilimdi Qurama Shtattardaǵy Ka­lı­­­fornııa ýnıversıtetiniń ǵalymdary usynyp edi. Olardyń teorııasyna sáıkes, birqatar álemde dınozavrlar áli de ersili-qarsyly shapqylap júr, Amerıkany eýropalyqtar otarlaǵan joq, al KSRO kúni búginge deıin taraı qoımaǵan... Aıtqandaı, Shotlandııadaǵy Loh-Ness kóliniń qubyjyqtary, teńiz jylan­dary, jabaıy adamdar – ıetı men rýsalkalar sol qatar jatqan «dúnıeniń» jarq etip bir kórinetin beıneleri emes pe eken?! Al Amerıka zertteýshileri mıkrochastısalardyń eki nemese odan da kóp álemde bir tusta qatar ómir sú­re beretinderin, demek, olardyń bir ýa­qytta eki nemese odan da kóp jerlerden kórinetinderi jónindegi postýlattan týyndaǵan tujyrymǵa kelip otyr. Murat AITQOJA.