Bıznesti transformasııalaý – damýdyń tıimdi quraly

Elbasynyń basshylyǵymen Qazaqstanda júzege asyrylyp jatqan strategııalyq bastamalar men reformalar elimizdiń áleýmettik jáne ekonomıkalyq ınstıtýttaryn damytýǵa baǵyttalǵandyǵy belgili. Memleket basshysynyń Qazaqstan halqyna Joldaýynda daǵdarysqa qarsy úsh negizgi uǵym – ósim, reformalar, damý atap ótildi. Biz bıylǵy jahandyq daǵdarysty «Nurly Jol» ınfraqurylymdyq baǵdarlamasy men bes ınstıtýttyq reformalardy júzege asyratyn «100 naqty qadam» Ult Josparymen qarsy aldyq. «Qazaqstan temir joly» ult­tyq kompanııasy» aksıonerlik qoǵamy memleket strategııasyn damytýǵa belsendi atsalysady. Biz Qazaqstannyń tranzıttik áleýetin júzege asyrý maqsatynda temirjol mashına qurastyrý salasyn jasadyq. Onyń negizinde iri ınfraqurylymdyq jáne logıs­tıkalyq jobalar júzege asýda. Aǵymdaǵy jaǵdaıǵa baılanysty qazaqstandyq taýarlarǵa suranys tómendegendikten, kompanııa bıznesin mýltımodaldy tranzıtti tasymal arqyly ósirip otyr. 2015 jyldyń qorytyndysy boıynsha jalpy tasymal kólemi qysqarǵanmen, Qytaı–Eýropa–Qytaı baǵdaryndaǵy konteıner tasymalynyń kórsetkishi birshama ulǵaıǵan. Bul sońǵy bes jylda mýltımodaldy tranzıtti tasymaldaýdy damytýdyń tıimdi strategııasyn júzege asyrýdaǵy qarqyndy jumystyń nátıjesi. Álemdik naryqqa kólik-logıs­tıka qyzmetterin shyǵa­rý maq­satynda kompanııa tuty­nýshy­lardyń qajettiligin meı­linshe qanaǵattandyratyn ónim­­­derdi aýdandastyryp, iri ınfra­qu­rylymdyq jobalaryn júzege asy­rý jolynda úlken jumystar at­qardy. 2015 jyly damý strategııa­syn júzege asyrý aıasynda basqarý júıesin transformasııalaý boıyn­sha «Dıagnostıka jáne dızaın» – 1-kezeńin aıaqtadyq. Bul kezeńde bizdiń komanda kompanııa tarıhynda buryn-sońdy bolmaǵan ju­mystardy atqardy. Alǵash ret barlyq joǵary deńgeıli úderisterge tolyq sıpattama jasaldy. Qyzmet tıimdiligi men korporatıvtik fýnksııalardy basqarýǵa negizdelgen biregeı model sheńberindegi bıznes-úderisterdiń yqpaldasýy men kodıfıkasııasy bıznes-arhıtektýrany qalyptastyrýǵa múmkindik berdi. «Qazaqstan temir joly» UK» AQ-ta alǵash uıymdastyrylǵan bıznes úderisterdi keshendi ıntegraldy modeldeý úderisterdiń úzilýin anyqtap, joıýǵa múmkindik berdi. Sondaı-aq, artyqshylyqtar men qarama-qaıshylyqtardy retteýge, aktıvterdi basqarý men satý tóńiregindegi úderisterdi retteýge jol ashty. Budan basqa, áleýettiń ıntegrasııalaýshy uzaq merzimdi qarjy modeli aıasynda kompanııanyń da­mý strategııasy belsendirildi. Qyz­met tıimdiligin arttyrýdaǵy stra­te­gııalyq maqsattardy eskere oty­ryp basqarýdy úılestirýdiń ár­túrli deńgeılerin qamtamasyz etý­ge arnalǵan qyzmettiń negizgi kór­setkishteri (QNK) jasaldy. Bul úshin «Qazaqstan temir joly» UK» AQ qyzmetiniń paıdalaný jáne qarjylyq kórsetkishterin júıelep, jınaý jumystary júrgizildi. Bi­ryń­ǵaı qurylym kórsetkishi tizilip, baı­lanystar anyqtaldy. QNK kompanııa qunyn júıe­leýde:

• Kórsetkishterdiń mánin jos­parlaýǵa;
• Tıimdilikti arttyryp, ish­ki qor­lar men múmkindikterdi anyq­taý maqsatynda nátıjeni je­tek­shi álemdik tájirıbelermen salys­tyrýǵa;
• Yntalandyryp, maqsattar qoıýǵa múmkindik beredi.

Aqparattyq tehnologııa júıe­siniń aǵymdaǵy dıagnostıkasy júrgizilip, ony damytýdyń ba­sym­dyqtary anyqtaldy jáne kompanııanyń aqparattyq tehnologııa júıesi qalyptastyryldy. Bıylǵy jyly qyzmet sapasy men tıimdiligin joǵarylatýǵa baǵyt­talǵan jetildirilgen júıe bas­tamalarynyń josparyn jasaýdy aıaqtap, is júzinde qoldana bas­taımyz. Bul mańyzdy kezeńniń nátıjeleri kompanııanyń aldaǵy birneshe jyldaǵy qyzmetine tikeleı áser etedi. «Qazaqstan temir joly» UK» AQ-taǵy bıznesti transformasııa­laý baǵdarlamasyn júzege asyrý kóliktik-logıstıka júıesin damytyp, Qazaqstandy isker jáne logıs­tıkalyq habqa aınaldyrý jóninde Memleket basshysy qoıǵan tapsyrmalardy oryndaýǵa múmkindik beredi. «Qazaqstan temir joly» UK» AQ baspasóz qyzmeti.