Bul – elimizdiń bolashaǵy úshin jaýaptylyq

Parlament Májilisi men barlyq deńgeıdegi máslıhattar depýtattaryn saılaý naýqany úkimettik emes uıym­dar jumysyn belsendi ete tústi. О́tken senbi kúni Isker áıelder qaýymdas­tyǵynyń prezıdenti Raýshan Sársem­baeva men Dinderdi zertteý ortalyǵy qaýymdastyǵynyń dırektory Iýlııa Denısenkonyń Ortalyq kommýnıkasııalar qyzmetinde ótkizgen brıfıngi sonyń zańdy kórinisindeı boldy.  «Aldaǵy ótetin saılaý elimizdegi eń mańyzdy oqıǵa bolyp tabylady», dep bastady óziniń sózin Isker áıelder qaýymdastyǵynyń prezıdenti. Onyń paıymynsha, jahandyq ahýaldyń shıelenisken jaǵdaıynda bul – strategııalyq turǵydan utymdy sheshim. Onyń ústine, úkimettik emes uıymdar men saıası kúshterdiń saılaý naýqanyna belsendi qatysýyna, sonymen de Elbasynyń aldymyzǵa mindet etip qoıǵan «100 naqty qadam» Ult Josparyndaǵy reformany júzege asyrýǵa jańa múmkindik týady. О́ıtkeni, áıelder qaýymy elimiz táýelsizdigin alǵan kezden bastap Prezıdent reformalarynyń oryndalýyna óz úlesterin qosyp keledi. Memleket tarapynan júzege asyrylyp kele jatqan qoldaýdyń arqasynda áıelder orta jáne shaǵyn bıznesti órkendetýge erekshe yqpal etýde eken. «Men ózim Astana mańyndaǵy Qosshy kentinde bolyp, jańadan ashylǵan jıhaz shyǵarý sehyn baryp kórdim. Biz daǵdarys pen qıynshylyqtyń saldarynan jumys oryndary qysqarýda deımiz. Al men kórgen seh 60 adamǵa jumys taýyp berip qana qoımaı, jataqhanamen de qamtamasyz etip otyr. Mundaı mysal elimiz boıynsha jetkilikti ekeni sózsiz», dedi Raýshan Birgebaıqyzy. Sondyqtan da aldaǵy saılaý áıelder qaýymyna óziniń saıası jáne qoǵamdyq áleýetterin kórsetip, belsendiligin tanytatyn, sonymen qatar, qoldarynan barlyǵy da keletindigin dáleldeıtin kez ekendigi de erekshe ataldy. Olaı bolsa, qoǵamnyń barlyq músheleri bolyp jumyla kirisip, eńbek etý arqyly qazirgi álemde oryn alyp jatqan barlyq jaǵymsyz faktorlarǵa qarsy turýǵa múmkindik mol. Osy rette, áıelder qaýymy da bul baǵytta barlyq kúsh-jigerlerin sarqa jumsaıtyn bolady. Budan keıin sóz alǵan Iý.Denısenko bylaı dedi: «Eger 18 jasqa tolǵan brıtanııalyq sebepsiz saılaýdan qalys qalatyn bolsa, onda ol kelesi saılaýǵa qatyspaıynsha oǵan pas­port berilmeıdi. Árıne, bizde ondaı joq. О́ıtkeni, Qazaqstan azamattary sońǵy ótken prezıdenttik saılaýda asqan belsendilik tanytyp, barlyǵy derlik saıası naýqanǵa bir kisideı qatysty. Sondyqtan da aldaǵy ótetin parlamenttik saılaýda da belsendilik joǵary bolady degen senim bar». El turǵyndary saılaýdy ózderiniń saıası jáne azamattyq quqyqtaryn júzege asyrý tetigi dep qabyldaıtyndyǵyn jetkizgen Iýlııa Olegovna bul elimiz qoǵamdyq-saıası ómiriniń tamyr soǵysy ekenin, saıasattanýshylardyń aıtyp júrgenindeı, halyq pen bılik yntymaǵynyń kórinisi bolyp tabylatynyn atap ótti. «Jahandyq daǵdarys kezinde ótetin aıtýly shara el ómirine aıtyrlyqtaı ózgerister alyp keledi. Saılaýdy kezekten tys ótkizý týraly sheshim tereń reformalar júrgizý turǵysynan jáne álemdik qarjy naryǵyndaǵy táýekelderge baılanysty mańyzdy bola túsedi. Ekonomıkalyq ahýaldyń kezekten tys saılaý ótkizýge negizgi sebep bolýy da sondyqtan», dedi Iý.Denısenko. Onyń ústine, Parlament Májilisi men barlyq deńgeıdegi máslıhattar saılaýlaryn birge ótkizý qarjy únemdeý men uıymdastyrý sharalaryna da oń yqpal etetini kóldeneń tartyldy. Osy turǵydan kelgende, depýtattar tarapynan jasalǵan besinshi shaqyrylǵan Qazaqstan Respýblıkasy Parlamentiniń Májilisin taratý jáne kezekten tys saılaý ótkizý týraly úndeýdi qoldaý óte durys ustanym bolatyny atap kórsetildi. Asqar TURAPBAIULY, «Egemen Qazaqstan».