«Qazaqstannyń ulttyq ındýstrııalyq palatasy» ónerkásipshileri men kásipkerleri odaǵy ZTB-nyń Elbasynyń «Besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń
kezekten tys saılaýyn taǵaıyndaý týraly» Jarlyǵyna baılanysty
MÁLIMDEMESI
Elimizdiń О́nerkásipshileri men kásipkerleri odaǵynyń atynan Memleket basshysyna Parlament Májilisiniń quramyn jańartý týraly osy palata depýtattarynyń úndeýine qoldaý kórsetkeni úshin rızashylyǵymyzdy bildiremiz. Kezekten tys saılaý ótkizý týraly Jarlyqqa qol qoıý – Elbasynyń halyq múddesi úshin kez kelgen qadamǵa bara alatyn qamqorlyǵynyń jarqyn aıǵaǵy. Al el jurtshylyǵy da parlamentshilerdiń atalǵan bastamasyn jan-jaqty qoldaǵan bolatyn. Biz ınstıtýttyq reformalardy júzege asyrý úshin aıtarlyqtaı kólemdegi zańnamalyq baza qalyptastyrdyq jáne depýtattardyń burynǵy quramy ózderiniń jumystaryn dittegen jerine laıyqty jetkize bildi dep sanaımyz. Osynysymen de olar jahandyq syn-qaterlerdi jańa jigermen, jańa kúsh-qýatpen eńserý qajettigin kórsetti. «100 naqty qadam» Ult Jospary mindetterin oryndaı jáne kásipkerlikti qoldaý men damytý baǵdarlamalaryn júzege asyrýǵa belsendi qatysa otyryp, bizdiń uıymnyń músheleri el Prezıdentine daǵdarysqa qarsy sharalardy tıimdi júzege asyrýǵa qabiletti jańa Parlament jasaqtaýǵa múmkindik bergeni úshin rızashylyqtaryn bildiredi. Halyqtyń senimine ıe bolǵan Májilis pen barlyq deńgeıdegi máslıhattardyń jańarǵan quramy elimiz úshin asa mańyzdy mindetterdi odan ári sheshý úshin qajetti nárseniń barlyǵyn jasaıtynyna senimdimiz. Barlyq qazaqstandyqtardy elimizdiń bolashaǵy jolynda birigip, jaýapkershilik tanytýǵa shaqyramyz.
