Almatyda «Nan ónimderi-2016» halyqaralyq forýmy ótýde

ALMATY. 26 qańtar. Almatyda II Orta Azııalyq «Nan ónimderi-2016» halyqaralyq forýmy ótýde. Bul týraly Almaty qalasy ákiminiń baspasóz qyzmetine silteme jasaǵan egemen.kz tilshisi habarlady. Joba osy aımaqta óńiraralyq yntymaqtastyqty damytatyn  birden-bir shara bolyp tabylady. Ol azyq-túlik ónimderin, tamaq ónerkásibine jáne ónim óńdeýge qajet tehnologııalar men jabdyqtardy kópshilikke keńinen tanystyratyn, qoǵamdyq tamaqtandyrý salasyna zamanaýı ádisterdi tıimdi qoldanýdyń, taýar óndirýshiler men olardy tutynýshylar arasynda eki jaqqa da paıdaly kommýnıkasııany qalyptastyrý  alańy bolyp tabylady. «Daǵdarys jaǵdaıynda Orta Azııada nan-bólke  jáne kondıter ónimderin óndirýdi damytý» atty bıylǵy forým aıasynda nan-bólke jáne kondıter ónimderin óndirýdi modernızasııalaý men kompanııanyń óndiristik qýatyn arttyrýda sheteldik ınvestorlardy tartý, jańa jumys oryndaryn  ashý, ónim sapasyn arttyrý, memleket tarapynan áleýmettik qoldaýdyń arqasynda kishi jáne orta bıznesti damytý, iri kásporyndardy modernızasııalaý máselelerin talqylaý kózdelgen. Sol sııaqty halyqaralyq jıynda óndiris shyǵyndary men nan ónimderiniń ózindik qunyn azaıtý joldary, áleýmettik nannyń qunyn  ósirmeý sharalary izdestirilýde. Eki kúnge sozylatyn forýmǵa Qyrǵyzstan, О́zbekstan, Tájikstan, Reseı, Belarýs jáne Eýroodaqqa múshe elderden 200-ge tarta kásiporyn qatysady dep kútilýde. Forýmda Qazaqstannyń tamaq ónerkásibi salasyndaǵy kishi jáne orta bızneske qoldaý kórsetip, jańa tehnologııalardy keńinen engizý, ónim sapasyn  arttyrý,  eń bastysy qazaqstandyq brend boıynsha  ónim shyǵarý máseleleri qarastyrylmaq. Aınash Esalı. Derek: Almaty qalasy ákiminiń baspasóz qyzmeti. Sýret: egemen.kz.