Almatyda jaryqpen bezendiriletin ǵımaratttar anyqtaldy

ALMATY. 26 qańtar. Almatydaǵy  tarıhı máni  men sáni bar 139 sáýlet nysandary zamanaýı jaryq kózderiniń arqasynda aıryqsha  kelbetke ıe bolady. Bul týraly Almaty qalasy ákiminiń baspasóz qyzmetine silteme jasaǵan egemen.kz tilshisi habarlady. Qala qurylysy keńesiniń bekitýine usynylatyn megapolıstiń alańdary men nysandaryna  zamanaýı jaryq kózderi arqyly  aıryqsha kelbet beretin konsepsııa Almatynyń sáýlet nysandaryn erekshe tartymdy etip, týrısterdiń qyzyǵýshylyǵyn arttyra túsedi dep kútilýde. Qalany túnde jarqyratyp kórsetetin jaryq kózderi Astana alańyna, Respýblıka alańyndaǵy Táýelsizdik Monýmentine, Ortalyq meshitke, Kafedraldy  shirkeýge ornatylady. Energııajınaqtaý tehnologııasy boıynsha jasalǵan zamanaýı jaryq kózderi Máńgilik alaýdy, Ofıserler úıin, Abaı atyndaǵy opera jáne balet teatryn, Natalıa Sas atyndaǵy  teatrdy, Qasteev murajaıyn, Qazaqstan Respýblıkasynyń Ǵylym  akademııasyn, Ál-Farabı atyndaǵy Qazaq ulttyq ýnıversıetin,  Ortalyq  alańdy, Qazaqstan-Brıtan tehnıkalyq ýnıversıtetin, Muz saraıyn, «Balalar álemi» dúkenin, «Almaty» qonaq úıin, City Center ortalyǵyn, «Saıran» avtobeketin, Áýezov aýdany  ákimdigi men  basqa da nysandardy aıshyqtandyra túsedi. Álemde keńinen qoldanylatyn  zamanaýı  jaryq kózderin Almatyǵa engizý sharalary bıýdjetten tys qarjy esebinen júrgiziledi. Aınash Esalı. Derek, sýret: Almaty qalasy ákiminiń baspasóz qyzmeti.