Anasynyń kóligin urlap qashqan qyz qolǵa tústi

KО́KShETAÝ. 26 qańtar. Aqmola oblysynyń ortalyǵynda anasynyń kóligin urlap, minip ketken qyzdyń ústinen qylmystyq is qozǵaldy. Bul týraly oblystyq ishki ister departamenti baspasóz qyzmetiniń deregine súıengen egemen.kz tilshisi habarlady. «Kókshetaý qalalyq ishki ister basqarmasyna 42 jastaǵy qala turǵynynan úıdiń belgisiz bireýlerdiń úıdiń aýlasynan Mazda markaly kóligin urlap, alyp ketkeni jóninde shaǵym tústi», - delingen habarlamada. Osydan keıin izge túsken polıseıler vıdeobaqylaý kameralarynan avtomobıldiń qaı jerde júrgenin tez anyqtap alady. Alaıda, jol saqshylarynyń belgi kórsetip, talap etkenderine qaramastan, ony júrgizýshi toqtamaı, qashyp ketedi. Keıinirek quqyq qorǵaýshylar izdeýde júrgen mashınanyń aýrýhana janynda turǵanyn baıqaıdy. Olar osy jerde kólikti qolǵa túsirgende, onyń tizginin zardap shegýshiniń 26 jastaǵy ustap otyrǵanyna kóz jetkizedi. «Sol kúni keshke ol kólikti júrgizýge ruqsat beretin qujatsyz óz dostarymen birge túngi qalada serýen qurmaqshy bolady. Osyǵan baılanysty Qylmystyq kodekstiń 200-baby, 1-tarmaǵy boıynsha qylmystyq is qozǵalyp, sotqa deıingi tekserý jumystary qolǵa alyndy», - delingen habarlama túıininde. Baqbergen Amalbek. Derek: Aqmola oblystyq ishki ister departamentiniń baspasóz qyzmeti. Foto: Qazaqstan jańalyqtary.