Malaızııada lańkestik uıymǵa qatysy bar 7 kúdikti ustaldy

ASTANA. 26 qańtar. Malaızııanyń polısııa qyzmetkerleri radıkaldy aımaqtardaǵy lańkesterge qatysy bar 7 adamdy tutqynǵa aldy. Bul týraly TASS aqparat agenttigine silteme jasaǵan egemen.kz tilshisi habarlady. «Ustalǵandardyń jas mólsheri 26-50 jas aralyǵynda. Olardyń bári ekstremıstik uıymdarǵa qatysy bar ekeni anyqtaldy. Arnaıy jasaq búgin jáne ótken juma kúni Kýala-Lýmpýr qalasy men birneshe provınsııalarda tergeý jumystaryn júrgizdi. Qolǵa túskender ártúrli strategııalyq nysandarda jospar boıynsha, lańkestik áreketterin jasaýǵa nıettengen», – deıdi Malaızııanyń polısııa basshysy Halıd Abý Bakar. Ol sondaı-aq, qolǵa túskenderdiń biri qaýipti aımaqtarda soǵysyp júrgen sodyrlardan buıryq alǵanyn, sonymen qatar sol ýaqytta taǵy bir kúdiktiniń ındonezııalyq Bahrýma Naıma esimdi azamattan tapsyrma alǵanyn áshkereledi. Indonezııanyń quqyq qorǵaý organdary jaqynda Djakartada jasalǵan shabýylǵa dál osy sodyrdyń tikeleı qatysy bar dep sanaıdy. Aıta keteıik, Malaızııanyń premer-mınıstri Nadjıb Razak lańkester uıymyna qatysy 129 sodyrdyń qamaýǵa alynǵanyn málimdegen bolatyn. Onyń aıtýynsha, radıkaldy aımaqtarda soǵysyp júrgen 55 malaılyqtyń búginde 17-si qaza tapqan. Aıan Ábdýálı. Derek: TASS. Sýret: zn.ua.