AQTAÝ. 28 qańtar. Aqtaýda qaraqshy qundaqtaǵy sábıge tapansha taqaý arqyly anasyn qorqytyp, úıdi tonaǵan. Bul týraly tumba.kz saıtyna silteme jasaǵan egemen.kz tilshisi habarlady.
Oqıǵa 27 qańtarda Aqtaý qalasynyń 1-shaǵyn aýdanynda bolǵan. «Aqtaý qalalyq gaz qyzmetinenmin» dep esik qaqqan qaraqshy páterge kirisimen náresteniń basyna tapansha taqap, áıelden úıdegi barlyq baǵaly zattardy berýdi talap etken. Balany saqtap qalý úshin qoryqqan úı ıesi áıel qolyndaǵy bar múlkin bergen. Qazir Aqtaýda qalalyq gaz qyzmeti mekemesi joq. Alaıda, dál sol kúni «QazTransGazAımaq» mekemesiniń qyzmetkerleri atalǵan shaǵyn aýdanda josparly tekserý jumystaryn júrgizgen.
Oqıǵadan soń iske kirisken jergilikti tártip saqshylary qaraqshynyń fotorobotyn jasap, izdestirý jumystaryn júrgizýde. Quqyq qorǵaý oryndaryndaǵy derekkózderdiń málimetinshe, kúdikti burynnan polısııanyń derekter bazasynda tirkeýde turǵan О́zbekstannan kelgen mıgrant bolýy múmkin. Ol tonalǵan úıdiń aýqatty ekenin bilgen, sondyqtan qylmys uıymdasqan sıpatta, ıaǵnı, sybaılastarmen birge jasalýy múmkin dep boljanýda.
Gúlaıym Shyntemirqyzy.
Derek: tumba.kz.
Sýret: nikpravda.com.ua, tumba.kz.
