PAVLODAR. 28 qańtar. Pavlodardaǵy Ertis ózeniniń ústinen úlken kópir salynatyn boldy. Bul týraly egemen.kz tilshisi habarlady.
Oblys ortalyǵyn Aqsý qalasymen qosatyn «Ortalyq-Shyǵys» avtojol dálizine qaraıtyn joba quny 53 mlrd 808 mıllıon teńgeni quraıdy. Kópirdiń uzyndyǵy 12,3 shaqyrym.
Jańa kópir, avtoban jobasy- Eýrazııalyq ekonomıkalyq odaq sheńberindegi bizdiń elimiz ben Reseıdiń birlesken alǵashqy iri ınfraqurylymdyq jobasy. «QazAvtoJol» ulttyq kompanııasy aksıonerlik qoǵamynyń oblysy fılıalynyń málimetinshe, qurylys jumystaryna 10 myń tonna metall jáne 30 myń tekshe metr beton qoldanylady. Nysan 2016 jyldyń jeltoqsanynda qoldanysqa beriledi. Jańa avtomagıstral elmizdiń qalalaryn Novosibirmen, Omby jáne Tommen jalǵaıdy.
Tórt jolaqty avtoban sementbetondy jáne asfaltbetondy jabyndylarmen jasalýda. Jańa avtobandaǵy qurylys jumystaryn «Dena Rahsaz Konstrakshn», «ABK Avtodor NS», «Qazjolqurylys», «Aqjol» syndy kompanııalar júrgizýde. Qurylysta 115 kompanııa jumys jasaýda. Jergilikti 3 myń adam eńbek etýde. Osy ýaqytqa deıin 254 arqalyq daıyndalǵan. Áli 207-si quıylady. Avtobannyń 12 shaqyrymy sý ústindegi kópirmen ótedi. Jobanyń júzege asyrylýy-«Biryńǵaı «Pavlodar-Aqsý aglomerasııasyn» qurýǵa múmkindik beredi. 2016-2017 jyldary «Astana-Pavlodar» baǵytynda 1-sanatty, tórt jolaqty avtomobıl jolymen qaýipsiz jáne jaıly jetýine jaǵdaı jasaý úshin, «QazAvtoJol» ulttyq kompanııasy aksıonerlik qoǵamynyń oblystyq fılıaly barlyq kúsh qýatyn salýda.
Farıda Byqaı.
Derek: egemen.kz.
Sýret: Valerıı Býgaev.
