Ońtústik Qazaqstan oblysynda aýyldaǵy sharýaǵa jeńildik kóbeıedi

ShYMKENT. 28 qańtar. Ońtústik Qazaqstan oblysy ınvestısııa tartýda respýblıkada aldyńǵy orynda. Bul týraly oblystyq kásipkerlik, ındýstrııaldy-ınnovasııalyq damý jáne týrızm basqarmasynyń basshysy Maqsat Qarabaev málimetine súıenip egemen.kz tilshisi habarlady. Maqsat Qarabaev Astanada bıznes forýmy ótip, shetel ınvestorlary shaqyrylǵanda sheteldik ınvestorlardyń alǵashqy suraǵy «jer bar ma?» bolady deıdi. Elimizdiń barlyq oblystarynan kelgen ókilder «bar» dep jaýap qatady. «Olarǵa ınfraqurylym tartylǵan ba?» dep suraǵanda barlyǵy derlik únsiz qalady. Biz «ınfraqurylym tartylǵan» dep jaýap beremiz. О́ıtkeni, biz ınýstrııaldyq aımaqtarǵa eń aldymen ınfraqurylmyn jasap alamyz», dedi ol. Sonymen qatar oblysta «BJK 2020» baǵdarlamasynyń iske asyrylýynan bastap jalpy quny 482,1 mlrd. teńge bolatyn 997 joba maquldanyp, 16 myńnan astam jumys orny ashyldy. Onyń ishinde 2015 jyly jalpy quny 202,6 mlrd.teńgege 275 joba maquldanǵan. Sondaı-aq, búginde oblysta aýyldy jerlerden shyqqan kásipkerlerdi qoldaý maqsatynda arnaıy baǵdarlama ázirlenýde. Atalǵan baǵdarlama aıasynda kásipkerlerge bar bolǵany 0,5 paıyzben sýbsıdııa berý josparlanýda. Qudaı qos kórse, Ońtústiktiń aýyldarynda shaǵyn jáne orta kásip qanatyn burynǵydan da keń jaıady. Baqtııar Taıjan. Derek, sýret: Ońtústik Qazaqstan oblystyq aımaqtyq kommýnıkasııa qyzmeti.